Otyrysta negizgi másele boıynsha baıandama jasaǵan Mádenıet jáne sport mınıstri Arystanbek Muhamedıuly baǵdarlamanyń arqasynda elimizde memlekettik tildi meńgergender qatary artyp kele jatqanyn aıtty.
Mınıstrdiń aıtýynsha, 2016 jyly Qazaqstanda memlekettik tildi meńgergen halyq úlesi 82 paıyzdy quraǵan. Máselen, 2014 jyly memlekettik tildi meńgergen halyq úlesi 72,1 paıyz bolsa, 2015 jyly 76,3 paıyzǵa jetken.
Sondaı-aq baǵdarlama aıasynda termınologııa, aýdarma jaıyndaǵy máselelerge de barynsha mán berilip, bul baǵytta da birqatar jumystar atqaralyp jatqanyn alǵa tartqan mınıstr, onomastıkaǵa da aıryqsha kóńil bólinetinin aıtty. Bul rette A.Muhamedıuly «Egemen Qazaqstan» gazetinde kóshe ataýlary jaıynda jaryq kórgen synı maqalalarǵa qatysty Elbasynan tapsyrma alǵanyn jetkizdi. (Aıgúl AHANBAIQYZY. «Almatyda 34 Áýezov, 24 Abaı kóshesi bar» 19.01.2017. «Egemen Qazaqstan». Ǵalym OMARHAN. «Ataýǵa abaı bolǵan abzal» 04.02.2017). Maqalada kóterilgen máseleniń mán-jaıy qaralyp, tıisti sheshimder shyǵarylyp jatqanyn atap ótti.
