Maqalany oqý úshin, odan belgili bir qorytyndy shyǵarý úshin jazsaq kerek-ti. Aıtylǵan másele aıtylǵan jerde qalady...
Barlyǵyn ysyryp qoıyp, myna óreskel qateni qarańyz!
«B.Jyraý dańǵyly 51/1».
«Agrarlyq nesıe korporasııasy» AQ mekemesiniń mańdaıshasyna battıtyp turyp shegelegen. Zamanynda «Kómekeı áýlıe» atanyp, Abylaı hannyń oń tizesin basqan keńesshisi, áıgili jyraý – Buqarekeńniń arýaǵynan uıalsa netti? Iа bolmasa, qala ákimi Nurlan Áýbákirov myrza Buqar jyraý dańǵylymen júrip kórmegen be? Nemese...
Áıgili patsha Ivan Groznyıdyń esimin «I.Groznyı» dep jazyp qoısaq, qalaı shamdanar edi, qalaı kózge qorash kóriner edi?! Tarıhty bilmeıtin dúmbilezderdiń «B.Jyraýyn» oqyp jylaýyń kerek. Belgili zań talaptaryna sáıkes bekitilgen kóshe ataýlary jazylǵan taqtaıshalardy qatesiz basyp, birizdendirý tártibin qatań qadaǵalaýǵa alý shart. Qalanyń sáýletin, babanyń sáýlesin kólegeıleıtin mundaı soraqy qatelerden qashan arylady ekenbiz?..
Mıras ASAN,
«Egemen Qazaqstan»
QARAǴANDY
