Qymbatty otandastar!
Sizderdi 1 mamyr – Qazaqstan halqynyń birligi merekesimen shyn júrekten quttyqtaımyn!
Bul kúni biz baǵa jetpes baılyǵymyzdy – týǵan el ıgiligi jolyndaǵy yrysty yntymaǵymyzdy dáripteımiz.
Bizdiń barlyq jetistikterimiz ben jeńisterimizdiń myzǵymas tuǵyry – tatýlyq pen tutastyq. Túrli ult ókilderi bir shańyraqtyń, bir týdyń astynan tabylyp, búgingideı eńseli el, irgeli memleket atandyq.
Túsinistik pen turaqtylyq – árbir azamat atsalysyp, árkimniń úles qosýyn talap etetin qasterli qundylyq. Osynaý aqıqatty qaltqysyz uǵyný Otanymyz – Qazaqstan Respýblıkasynda udaıy beıbitshilik pen berekeniń saltanat qurýyna septigin tıgizedi.
Qoǵamymyzda qazirgi kezde qolǵa alynyp jatqan júıeli jańǵyrý úrdisteri birligimizdiń nyǵaıa túsýine yqpal etip, jańa belesterdi baǵyndyrýymyzǵa jol ashady dep senemin.
Barshańyzǵa zor densaýlyq, eńbekterińizge tabys, ár shańyraqqa shattyq pen baq-bereke tileımin!
