Senatorlar Elordanyń sol jaq jaǵalaýyndaǵy Máńgilik el jáne Uly Dala dańǵyldarynyń qıylysyndaǵy jańa aýdandardyń birine jasyl jelekke bóleýge kóterińki kóńil kúımen keldi. Bul jer halyqaralyq «EKSPO-2017» kórmesi ótetin orynǵa taıaý bolatyn.
«Búgingi senbiliktiń barlyq astanalyqtar úshin erekshe mańyzy bar. Ásirese, aldaǵy «EKSPO-2017» kórmesiniń qarsańynda senbilikte qalany kórkeıtýge bárimiz úles qosyp jatyrmyz. Qalamyz jasyl jelekke oranǵan saıyn órkendep, damı túsetin bolady», dedi depýtat Jabal Erǵalıev.
Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy Sergeı Plotnıkov senbiliktiń ótýi Astana turǵyndary men barsha qazaqstandyqtardy biriktiretin izgi dástúr ekenin atap ótti. «Elordamyz budan da ádemi bolý úshin barsha astanalyqtar sekildi depýtattar da jasyl jelekke bóleýge óz úlesterin qosýda», dedi S.Plotnıkov.
Shara barysynda joǵarǵy Palatanyń ókilderi júzden astam qaraǵaı, tal, jóke kóshetterin otyrǵyzdy.
