Mereı ósirgen merekelik konsert

Keshe Memleket basshysy – Qarýly Kúshterdiń Joǵarǵy Bas qolbasshysy Nursultan Nazarbaev elordadaǵy Beıbitshilik jáne kelisim saraıynda ótken Otan qorǵaýshylar kúnine arnalǵan merekelik konsertti tamashalady. Memleketimizdiń Qarýly Kúsh­teriniń áskerı kórkem­óner­pazdar ujymynyń bul konserti jıylǵan jurttyń otanshyldyq rýhyn oıatyp, erekshe áserge bóledi. Osy arada myna bir nárseni qa­dap aıta ketsek deımiz. Merekelik konsertte tuńǵysh ret tek áskerı qyzmetshilerden qural­ǵan ónerpazdar sahnanyń sánin kirgizdi. Qas qaqpaı turyp, el aza­mattarynyń tynyshtyǵyn qor­ǵap, Otanǵa qyzmet etýdiń úlgisin kórsetip júrgen azamat­tardyń sahna tórinen oryn­dalǵan árbir shynaıy shyǵar­masy dán rıza etti. Tek qana konserttik baǵ­dar­lama emes, sonymen qatar, foto­kórinister, derekti kınolenta­la­ry Otanymyzdyń Qarýly Kúsh­teriniń arǵy-bergi kezeńderinen habar berse, jańa tehnıka, tehnologııa, sarbazdarymyzdyń ha­lyqaralyq jattyǵýlarǵa qa­tys­qan tustaǵy erekshe kózge túsken erlikteri jurt nazaryn aýdardy. Eń bastysy – merekelik konsert ómirdiń ózindeı áserge bóledi. Áskerı tirlik tynys pen óner ushtasqan tusta adam bol­mysy erekshe serpiledi eken. Kó­rermenderge osy sát Qazaq eli áskeri tek jaýyngerlik-she­berlik boıynsha ǵana emes, shy­ǵar­mashylyq salada da maqtana alatynyn dáıektedi. Mysaly, «Qyran» aeroutqyr áskeriniń oryndaýyndaǵy «Arnaıy tap­syrma» bıi, sol sekildi «Sardarlar zaıyby» bı ujymynyń oryndaǵan dúnıeleri de zal ishin dúr silkindirdi. Osy arada Otan Qarýly Kúshteriniń quramynda názik jandy myńdaǵan azamat­sha­lardyń sarbazdar sapynda júrgenin aıta ketkenimiz lázim. Solardyń arasynan leıtenant Olga Segılnık qazaqtyń ha­lyq áni «Deı saldym-aıdy» áýe­letkende onyń ashyq daýysy kim­di de bolsa tánti etpeı qoı­mady. Budan ózge de tyńdaý­shy­lardyń rýhyn oıatyp, jan dú­nıesine serpilis ákelgen nebir dúnıeler sahna tórinen aıty­lyp jatty. Aǵa leıtenant Birjan Mu­kamanov «Shapyrashty Naýryz­baı» atty kórinisti jurt naza­ryna usynsa, aǵaıyndy Baǵlan men Erlan Esbaevtar «Gvardııa qanaty» atty teńizshiler bıin oryndady. Sol sekildi «35-shi desanttar brıgadasynyń ánura­ny» da shyrqaldy. Otan qorǵaýshylar qashanda úlgi tutýǵa jáne qurmetke laı­yq. Olar Otandy súıýdiń, Otan­ǵa qyzmet etýdiń úlgisi ǵana emes, ult maqtanyshy, ári ólshe­mi. Merekelik sharanyń osylaı­sha joǵary dárejede ótkizi­lýi­niń negizinde óskeleń urpaqqa patrıottyq tárbıe berý, beıbitshilik pen kelisimdi nyǵaıta oty­ryp, olardyń sanasyna si­ńirip jatqany belgili. Táýelsiz­di­gimizdiń 20 jyl­dyǵyna olar­dyń qosqan úlesi eren. Sóıtip, Qazaq eli armııa­sy­nyń 19 jyldyǵyna arnalǵan me­rekelik konsert sahnasynyń tórinde kópshilikke belgili joǵa­ry rýhty án men bıler oryn­da­lyp, ar men namysty bıik us­taýdyń úlgisi kórsetildi. Mun­daı óner keshine memleketimizdiń ár óńirinen kelgen sarbazdar qatysyp, ózderiniń segiz qyrly, bir syrly ekenin kórsetti. Súleımen MÁMET.