Zań jobalarynyń daıyndyǵy qaraldy

Keshe Parlament Májilisiniń Tóraǵasy Oral Muhamed­ja­novtyń jetekshiligimen palata bıýrosynyń kezekti otyrysy ótti, dep habarlady Májilistiń baspasóz qyzmeti. Palatanyń Ekonomıkalyq reforma jáne óńirlik damý komıteti «Munaı ónimderiniń jekelegen túrlerin óndirýdi jáne olardyń aınalymyn memle­ket­tik retteý týraly», «Tabıǵı monopolııalar jáne retteletin na­ryqtar týraly» Zańǵa túzetýler engizýdi kózdeıtin zań jobalary depýtattardyń talqysyna shy­ǵa­rylatynyn habarlady. Palatanyń Halyqaralyq ister, qorǵanys jáne qaýipsizdik komıteti «Belarýs Respýblıka­syn­daǵy, Qazaqstan Respýblıka­syn­daǵy jáne Reseı Federasııa­syndaǵy tehnıkalyq retteýdiń biryńǵaı qaǵıdattary men qa­ǵı­dalary týraly kelisimdi ratıfıkasııalaý týraly», «Tarıftik saıasat negizderin qosa alǵanda, temir jol kóliginiń qyzmet­te­ri­ne qol jetkizýdi retteý týraly kelisimdi ratıfıkasııalaý týra­ly» eki zań jobasy kún tárti­bi­ne engizýge daıyn ekenin má­lim­dedi. Sonymen qatar, «Qazaqstan Respýblıkasynyń keıbir zańnamalyq aktilerine advokatýra máseleleri boıynsha ózge­rister men tolyqtyrýlar engizý týraly» zań jobasymen jumysty jalǵastyrý jóninde sheshim qabyldandy.