Bastapqy ekpinimiz basylyp qaldy

Fınaldyq jekpe-jekterde «Astana arlandary» «Parıj ıýnaıtedten» jeńilis tapty Budan buryn habar­laǵa­nymyzdaı, 7 mamyr kúni Qytaıdyń Gýıchjoý pro­vın­­sııasynyń Gýıang qa­la­synda Halyqaralyq áýes­qoı boks qaýymdas­tyǵy­nyń bastamasymen byl­tyrǵy jyldan beri ótkizilip kelgen Dúnıejúzilik boks serııasynyń komandalyq chempıonatynyń alǵashqy maýsymy aıaqtaldy. Eki kúnge sozylǵan jekpe-jekterdiń nátıjesinde «Parıj ıýnaıted» klýby «Astana ar­lan­­daryna» alǵashqy kúni 2:3 esebimen ese jiberse de, kelesi kúni 4:1 esebimen basymdyǵyn tanytyp, qorytyndysynda 6:4 esebimen je­ńiske jetti. Sóıtip, olar D­ú­nıe­jú­zilik boks serııasynyń al­ǵashqy jeńimpaz komandasy ata­ǵyna ıe boldy. Al bizdiń «arlandar», óki­nishke qaraı, ekinshi oryn­dy qanaǵat tutty. Osy­laı­sha, kúzden beri sharshy alań­da barlyq qarsylastaryn birinen soń birin «talaǵan» «arlandar» sońǵy sátte osy kezge deıin aty kóp shyqpaǵan Fransııanyń legıonerler koman­da­synan je­ńi­lip qaldy. Kásipqoı boksshylardyń fı­naldyq básekelerin aqparattyq qoldaý úshin kóptegen elderdiń BAQ ókilderi Qytaıǵa jınaldy. Elimizdiń bir top jýrnalısi de Qazaqstan Boks federasııasy­nyń (prezıdenti – Tımýr Quly­baev) uıymdastyrýymen jyly­na bir keletin jekpe-jekterdi óz kózderimen kórý úshin Qytaıǵa attanǵan edi. Osy synǵa bizdiń boksshylar eki qurammen bar­ǵa­ny belgili. Olar Gýıang qalasyna kelgen kúnnen bastap Gýıchjoý pro­vınsııasy ýnıversıtetiniń sport kesheninde básekelerge daıyn­dyq­taryn júrgizdi, eki-úsh kún boıy jergilikti kún raıyna beıimdeldi. Birinshi kúngi kezdesýge jaq­sy daıyndyqpen bardyq.   Mun­da eń jeńil salmaqtaǵy Qanat Ábý­tálipovtiń grýzın legıoneri Georgıı Klınavany taza utqanyn aıt­qanbyz.  Mereı Aqshalov pen Rashıd Azzedınniń arasynda ótken kezdesýde jeńis sońǵysyna berilip, bizdiń bapkerler munymen kelispeıtinderin bildirdi. R.Azzedın 2008 jylǵy Fransııa chempıony, DBS jekpe-jekterinde jeti ret rıng­ke shyǵyp, sonyń altaýynda jeńiske jetken. Solaı desek te Aq­shalovtyń odan basym bolǵanyn kór­dik.  Biraq qazylar keri sheshim qa­byl­dady. 73 kıloda Qanat Is­lam­nyń jeńiske jetetinine eshkim kú­mán keltirmedi. Osydan keıin Ramjon Ahmedov jeńiske jetti.  Al bizdiń Rýs­lan Myrsataev ta byltyr jas­ós­pirimder arasynda Sıngapýrda ótken olımpıada chempıony, 19 jasar Tonı Iokadan jeńilgen joq dep esepteımiz. Kezdesý Rýslannyń ba­sym­dyǵymen ótkenin jınalǵan­dar­dyń bári kórdi. Bas bapker Beıbit Esjanov ta jekpe-jektiń nátı­jesi­men kelispedi. Tóreshilerge na­ra­­zylyq jazǵysy kelip edi, oǵan eshkim mundaı múmkindik bermedi. Ekinshi kúngi kezdesýde «Astana arlandary» sapynda Mirjan Ra­qymjanov, Erjan Músápirov, Ba­qyt Sársekbaev, Marat Moldagereev pen ózbekstandyq legıoner Sardor Abdýllaev qolǵap túıistirdi.  B.Sársekbaev pen M.Molda­gereev­tiń aldynda M.Raqymjanov ırlan­dııa­lyq legıoner Djozef Kevınge ese jiberdi. D.Kevın – fransııalyq ko­man­danyń ekinshi nómirli boks­shy­sy. Ol osy jarysta bes ret kezdesý ótkizip, sonyń ekeýinde jeńil­gen. Al kelesi salmaqta kúsh synas­qan Erjan Músápirov óziniń kezekti jeńisine jetti. Ol qarsylasy aljırlik Abdelkader Chadıdi 48:47, 49:46, 49:46 esebimen tize búktirdi. Osydan keıin eki kúngi esep 4:3 bol­dy. Alǵa «arlandar» shyqty. B.Sár­sekbaevtyń jeńilisin jańa aıttyq. Bul jerde Baqyt taza jeńildi deýge kelmeıdi. Ras, onyń qarsylasy Mıshel Tavares –   tájirıbeli boks­shy. Degenmen, osy jarys bastal­ǵan kezden beri bizdiń Olımpıada chempıonymyzǵa búırekteri bir burylmaǵan tóreshiler oǵan taǵy qysastyq jasaǵan sekildi kórindi. Endi M.Moldagereev pen S.Ab­dýllaevqa úmit artyldy. Biraq ol ekeýi de «Parıj ıýnaıted» legıo­ner­leriniń aldynda dármensizdik tanytty. 85 kıloda bokstasqan Marattyń Abdelkader Býheneıden jeńilisi jaǵdaıdy tipten qıyndatyp jiberdi. О́ıtkeni, asa aýyr salmaqtaǵy bizdiń ózbek legıonerimizge senim artý qıyn edi. Sóıtip, ol 18 jasar ótken jylǵy jastar arasyndaǵy álem chem­pıony horvat Fılıpp Hrgovıchten jeńilis tapty. Qorytyndy esep – 6:4. Bir aıta ketetin nárse, Moldagereevti jeńgen Abdelkader Býheneı Dúnıejúzilik boks serııasynda bir de bir jekpe-jek ótkizbepti. Osylaısha, «Parıj ıýnaıted» komandasy «Astana arlan­dary» boksshylarynyń aldyn orap ketti. Solaı desek te ekinshi oryn kásipqoı boksta endi ǵana jolyn bastap kele jatqan «arlandardyń» quramy úshin jetistikterdiń biri deýge bola­dy. Esterińizge sala ketsek, «As­tana arlandary» Azııa qur­lyǵynan ekinshi oryndy ıelenip, jartylaı fınalǵa shyqqan bolsa, «Parıj ıýnaıted» pen bizben birge pleı-offta kúsh synasqan «Los-Andjeles matadors» komandasy óz qurlyq­tarynda birinshi oryn alyp, kelesi aınalymǵa joldama alǵan komandalar bolatyn. Eki kún boıy Gýıang qa­la­syna «Astana arlandary» ko­man­dasyn qoldaý úshin Sıan qa­la­synan bir táýlik júrip ar­naıy kelgen Maqsat Ábdi­qulov, Baqytjan Ah­metov, Aıdar Áb­di­kárimov, Murat Munasov pen Sharıozola Talapov sııaqty qazaq stýdentterine alǵys aıt­qanymyz artyq etpes. Olar az bolsa da sharshy alańnyń ja­nynda komandamyzǵa bolysyp, otansúıgishtiktiń zor úlgisin kórsetti. Dúnıejúzilik boks serııa­sy­nyń kezdesýleri osymen bitpeıdi. Olar 27-28 mamyr kúnderi taǵy jalǵasady. Sol kúnderi bizdiń Qanat Ábýtálipov pen Erjan Músápirov Olımpıada joldamasy úshin kúsh syna­sady. Otandastarymyzǵa  sátti­lik tileımiz. Dastan KENJALIN. Gýıang – Almaty – Astana. ______________________ Sýretti túsirgen Izturǵan ALDAÝEV.