«Densaýlyq» poıyzyna el rıza

«Salamatty Qazaqstan» baǵ­dar­la­masynda dárigerlik qyzmet­tiń sapasy men halyqqa qol­je­timdiligine nazar aýdaryldy. Osy­ǵan oraı alys eldi mekenderge kóliktik medısına saparǵa shyqsa, mamyr aıynan bastap Jetisý jurtshylyǵyna óz kómek­terin kórsetip otyr. Alǵashqy jumysyn Kóksý aý­da­nyndaǵy Muqanshy aýyldyq okrýginen bastaǵan «Densaýlyq» poıy­zynyń dárigerleri turǵyn­dar­ǵa densaýlyqty saqtaý men qor­ǵaýǵa baılanysty áńgime ót­ki­zip, tekserýlerden ótkizdi. Aýyl hal­qy atal­ǵan poıyzdy yqylas­pen qarsy alyp, ondaǵy emdeý labo­rato­rııa­lyq-dıa­gnostıkalyq qural-jab­dyq­tardyń kómegin keńinen paıdalandy. «Jyl tańdaýy» halyqaralyq festıvaliniń úzdik áleýmettik jo­ba­sy atanǵan poıyz Jambyl aý­danynyń Shılibastaý, Qazy­bek bek, Kerbulaq aýdanynyń Sa­ry­ózek beketteriniń jurtshylyǵyna naqty medısınalyq kómek kór­setti. «Densaýlyq» poıyzy ma­myr­dyń sońǵy kúnderine deıin temir jol boıyndaǵy eldi meken tur­ǵyndaryna óz qyzmetterin kór­se­tý­di jalǵastyrmaqshy. Jańa úl­gidegi emdik-dıagnostıkalyq qu­ral­­dar­men jabdyqtalǵan poıyz qura­myn­da kásibı bilikti 18 dári­ger qyz­met etse, bas dáriger Murat Es­keı­uly­nyń basshylyǵymen bar jumys sapaly jalǵasqanyn aıt­qan jón. Aq halattylardyń qa­raýy­nan ótip, em qabyldaǵandar rı­zashylyǵy sheksiz, deıdi «Nur Otan» HDP oblystyq fılıa­ly­nyń qyzmetkeri Gúlnár Toılybaeva. Kúmisjan BAIJAN. Almaty oblysy.