Bar jaqsylyq otbasynan bastalady

Elordadaǵy «Ramada Plaza» qona­q­úıinde Táýelsizdiktiń 20 jyldyǵy men halyqaralyq otbasy kúnine arnalǵan «Berik otbasy – qoǵamnyń tiregi» atty respýblıkalyq konferensııa ótti. Esterińizge sala ketelik, halyqaralyq ot­basy kúni 1993 jyly Birikken Ulttar Uıymy Bas Assambleıasynyń qararymen 15 mamyr kúnine bekitilgen edi. Bul kúndi belgileý álem­dik qaýymdastyqta otbasynyń qazirgi jaǵ­daıy men onyń qoǵam ómirindegi ornyna, óske­leń urpaq tárbıesindegi mańyzyna alańdaý­shy­lyq týǵyzýyna oraı júzege asqan bolatyn. Qazaqstan Respýblıkasynyń Prezıdenti ja­nyndaǵy Áıelder isteri jáne otbasylyq-de­mo­grafııalyq saıasat jónindegi ulttyq komıssııa Qazaqstannyń isker áıelder qaýymdas­tyǵy­men birlesip, Mádenıet mınıstrliginiń qoldaýymen ótkizilgen konferensııanyń jumysy da qoǵamdaǵy otbasy róline arnaldy. Prezıdent janyndaǵy Áıelder isteri men otbasylyq-demografııalyq saıasat jónin­degi ulttyq komıssııanyń tóraıymy Gúlshara Ábdi­halyqova konferensııanyń mańyzy jaı­ly aıta kelip: «Búgingi kúni memlekettik deń­geıde iri baǵdarlamalar qolǵa alynýda. Onyń ishinde densaýlyq, bilim sııaqty áleýmettik salalar da qamtylǵan. Ol jospar­lardy júzege asyrý isi otbasynan bastaý ala­tyny aqıqat. Ot­basynyń árbir múshesi osyǵan erekshe yqy­las bildirse jaqsy nátıjege qol jetkize alamyz. Sondyq­tan, konferensııany ótkizýdegi mindetimiz – elimizdegi otbasy qundylyqtaryn kóterý. Ásirese, eńbekke degen súıispenshilikti damy­typ, ony odan ári jetildirý», – dedi. Konferensııa barysynda «2006-2016 jyl­darǵa arnalǵan Qazaqstan Respýblıkasynyń gen­derlik teńdigi» strategııalyq jospary aıa­synda atqarylyp jatqan jumystar tanysty­ry­lyp, otbasy jaǵdaıyndaǵy máseleler sarapqa salyndy. Konferensııada ulttyq komıssııa músheleriniń usynystary tyńdalyp, otbasyn­daǵy qundylyqtar jaıy da nazardan tys qalmady. Tolyq otbasylar kóp bolatyn bolsa, baqytty analar men baqytty balalardyń sany arta túsetindigi, árbir ana balasyn úsh jasqa deıin úıinde otyryp tárbıelese, bala­baqsha jaıy sııaqty sheshimin tappaı júrgen máselelerdiń  azaıa túsetindigi aıtyldy. Atalǵan konferensııaǵa deıin elimizdiń bar­lyq óńirlerindegi «Ana men bala» ortalyq­ta­rynda 20-ǵa jýyq saıabaqqa gúl otyrǵyzylyp, aǵash egý isi qolǵa alynǵan bolatyn. Sonyń nátıjesinde perzenthanalar mańaıyna 7000 túp aǵash pen 10 myńǵa jýyq gúl otyrǵyzylyp, oǵan 3000 adam jumyldyrylǵan eken. Konfe­ren­sııaǵa qatysýshylar bul kúni  de «Ana men balaǵa 20 saıa­jol men saıabaq» atty aksııa sheń­berinde Astana qalasyndaǵy №3 perzent­hana­nyń aýlasyna aǵash otyrǵyzdy. Shara sońynda respýblıkalyq áleýmettik mańyzdaǵy «Qazaq­stan Táýelsizdiginiń 20 jyldyǵyna «Ana men balaǵa 20 saıajol men saıabaq» atty aksııanyń qorytyndysy shyǵary­lyp, joba fotokór­mesiniń tusaýy kesildi. Juldyz BAIDILDA.