Jarylys 70 adamnyń ómirin qıdy

Pákstannyń soltústik-batysynda jasalǵan eki terrorlyq áreketten 70-ke jýyq adam qaza taýyp, 30-dan astam adam túrli jaraqat aldy. Bul týraly keshe «Assosheıted-press» agenttigi habarlady. Jarylystar Peshavar qalasynan 30 shaqyrymdaı jerdegi áskerılendirilgen polısııa bólimshesi músheleriniń daıyndalý ortalyǵynyń aýmaǵynda jasalǵan. Agenttiktiń taratqan aqparattaryna qaraǵanda, qaza tapqandardyń kópshiligi áskerı qyzmetshiler. Keıin belgili bolǵanyndaı, alǵashqy jarylysty jankeshti jasaǵan. Ekinshi bombany da jankeshti iske qosqan degen boljam aıtylýda. Jarylystardyń jasalý jaýapkershiligin qazirge eshqandaı uıym ózderine alǵan joq. HOSNI MÚBÁRAK TAǴY 15 TÁÝLIKKE USTALADY «Frans-press» agenttiginiń habar­laýynsha, Egıpet bıligi eldiń bu­ryn­ǵy prezıdenti Hosnı Múbárakti taǵy 15 táýlik ustaýdy uıǵarǵan. Ony qa­maýda ustaýdyń merzimi osymen ekinshi ret uzartylyp otyr. О́z ókilettigin asyra paıdalandy jáne zańsyz baıý jolyna tústi degen aıyptar taǵylǵan burynǵy prezıdent qazirgi kezde Sharm el-Sheıhtegi aýrýhanada jatyr. «Assosheıted-press» agenttiginiń aq­pa­rattary boıynsha, ol tergeý oryndaryna zaıyby Sıýzann Sabetpen birge alǵash ret jaýaptar bergen. Birqatar sarapshylar H.Múbáraktiń jáne onyń jaqyndarynyń baılyǵy ondaǵan mıllıard dollardan asady degendi alǵa tartady. GINGRICh PREZIDENTTIK SAILAÝǴA TÚSPEK AQSh Kongresi О́kilder palatasynyń burynǵy spıkeri, respýblıkashyl Nıýt Gıngrıch óziniń 2012 jylǵy prezıdenttik saılaýǵa túsetinin málimdedi. Bul aqparatty «Frans-press» agenttigi taratty. Nıýt Gıngrıch 1995 jyly respýblıkashylardyń 40 jyl úzilisten keıin О́kilder palatasynan kópshilik oryn alǵan kezde AQSh Kongresine spıker bolyp saılanǵan edi. Spıkerlik oryntaqqa otyrǵan ol AQSh-tyń sol kezdegi demokrat-prezıdenti Bıll Klıntonnyń saıasatyn ótkir synǵa alý arqyly keńinen tanylǵan bolatyn. Keıin, 1998 jyly ótken Kongress saılaýynda respýblıkashylar jeńiliske ushyraǵan soń, ol spıkerlikten de, Kongress músheliginen de ketken edi. QUPIIа BAIаNDAMA ENDI JARIIа ETILEDI «Frans-press» agenttiginiń aq­parattaryna qaraǵanda, AQSh bıligi «Pentagon qujattary» dep atalatyn 1945-1967 jyldardaǵy amerıkalyq-vetnamdyq qatynas­tar týraly qupııa baıandamany ja­ryqqa shyǵarady. Buǵan deıin jaryq kórmegen «Pentagon qujattarynyń» tolyq mátinimen maýsym aıynan bastap, Kalıfornııa shtatyndaǵy Rıchard Nıkson atyndaǵy kitaphanada ta­nysýǵa bolady. Bul qupııa baıandama 1967 jyly eldiń qorǵanys mınıstri Robert Maknamardyń tapsyrmasymen daıyndalǵan kórinedi. Jeti myń betten turatyn baıandama negizinen Vetnamnyń ishki isine AQSh-tyń aralasýy mazmundalǵan sııaqty. PARTIIа QURAMYN DEP QYZMETTEN KETTI Nobel syılyǵynyń laýreaty Muhammad Iýnýs Grameen bankiniń basqarýshysy qyzmetinen otstav­ka­ǵa ketti. Bul jóninde «Gardıan» basylymy habarlady. Basylymnyń keltirgen derekterine qaraǵanda, bankır bank qyzmetine jáne banktiń 8 mıllıonnan astam klıentine nuqsan keltirmeý maqsatynda óz erkimen otstavkaǵa ketip otyr. Onyń basqarýshy bolyp qala berýi banktiń jumysyna zııanyn tıgizýi múmkin. Atalǵan bank kedeı turatyn turǵyndarǵa shaǵyn kredıt berip kele jatqan álemdegi alǵashqy qarjy uıymy bolyp tabylady. 2007 jyly M.Iýnýs saıası partııa qurýǵa nıettengen eken. Bul Bangladesh úkimetine unamaǵan. О́Sh ALÝ ÁREKETI Keshe erteńgilik Qytaıdyń Gansý provınsııasyndaǵy bir bankte ja­ry­lys bolyp, 40-qa jýyq adam jaraqat aldy. Bul aqparatty «Sınhýa» agent­tigi taratty. Aldyn ala málimetter boıynsha, jarylysty 39 jastaǵy banktiń burynǵy qyzmetkeri Iаn Sıanven jasaǵan kórinedi. Ol osy bankte qarjylyq alaqoldyqqa salyn­ǵany úshin jumystan bosatylǵan. Agenttiktiń habar­laýynsha, ol bank qyzmetkerleriniń keńesi ótip jatqan kezde jarylǵysh qospa salynǵan shıshany laqtyryp, ózi qashyp ketken. Qazirgi kezde ony izdestirý sharalary júrip jatyr. QYSQA QAIYRYP AITQANDA: Eýroparlament tóraǵasynyń orynbasary, Germanııa Erkin demokratııalyq partııasy jetekshileriniń biri Sılvan Koh-Merın hanym óziniń kandıdattyq dıssertasııasynyń biraz bóligin ózge eńbekterden kóshirip alǵandyǵyna baılanysty otstavkaǵa ketti. Reseı Prezıdenti Dmıtrıı Medvedev 18 mamyrda Máskeýde úlken baspasóz máslıhatyn ótkizedi. Baspasóz máslıhaty saǵat 13.00-de tikeleı efır arqyly «Birinshi arna», «Reseı-1» jáne «Reseı-24» telearnalarynda kórsetiledi. Grekııa bıligi eldiń ekonomıkalyq jaǵdaıyn qalpyna keltirý úshin qosymsha taǵy 60 mıllıard eýro qajet ekendigin málimdedi. «Frans-press» agenttiginiń habarlaýynsha, AQSh-tyń arnaıy qyzmeti jekelegen Kongress múshelerine Ýsama ben Ladenniń óli denesine qatysty 15-ke jýyq sýretti kórsetken. Internet materıaldary negizinde ázirlendi.