Bilimimen myńdy «jyqqan» Jetisýlyq olımpıada jeńimpazdary – el maqtanyshy

Halyqaralyq olımpıadalar men týrnırlerde óńirdiń ǵana emes, eli­miz­diń namysyn qorǵap, kók týy­myz­dyń jelbireýine úles qosqan daryn­dy oqýshylarmen kez­desýde Oblys ákimi A.Mu­sahanov Elbasynyń jas­tar­dyń jańa ǵasyr talaptaryna saı báse­kege qabiletti bilim alýyna ja­sa­ǵan qamqorlyǵyna toqtaldy.  Bilim berý mekemeleriniń mate­rıal­dyq-tehnıkalyq bazasy jyl ót­ken saıyn jaqsarýda. Bıyl jergilikti bıýdjet esebinen salynǵan 15 jal­py bilim beretin mektep­ter­diń 11-i qyrkúıek aıynda shákirt­ter ıgiligine berilmekshi. Qosymsha 6 bilim nysan­daryn qaıta qalpyna keltirý jos­par­lanǵan. Taldyqor­ǵan qalasynda daryndy balalarǵa arnalǵan úsh tilde oqytatyn ma­man­dandyrylǵan № 20, Muhtar Aryn atyndaǵy № 24, «Ekonomıka jáne bıznes» arnaýly jáne qazaq-túrik lıseıinde shákirt­ter­­men júr­gizilgen jumys nátı­je­sin­de oblystyq olımpıadalyq komanda halyqaralyq jarysta 154 medaldi ıelenipti. Osylaısha respýb­lı­kalyq pán olımpıadalarynda ob­lys oqýshylary 15 medal alsa, ǵy­ly­mı joba baıqaýynda 14 medalǵa qol jetkizilgen. Qoǵamnyń damýy men memle­ket­tiń ósip-órkendeýine úles qosatyn jas­tardy bolashaq ómirge laıyqty tárbıeleý ulaǵatty ustazdarǵa baı­la­nysty ekeni de jıynda sóz boldy. Budan soń Taldyqorǵan qalasyn­daǵy daryndy balalarǵa arnalǵan úsh tilde oqytatyn № 20 arnaýly lı­seıdiń 11 synyp oqýshysy Ertis Ádi­let, Qarasaı aýdany, Makarenko atyndaǵy orta mekteptiń 11 synyp oqýshysy Gaýhar Barlybaeva, Panfılov aýdany Y.Altynsarın atyn­da­ǵy orta mekteptiń 11 synyp oqý­shy­sy, Aqbota Jakıeva, Taldyqor­ǵan qalasyndaǵy «Nazarbaev Zııatkerlik mektebiniń» muǵalimi Sergeı Polıanskıh sóz sóılep, ustazdar men ata-analarǵa shyn júrekten shyqqan alǵystaryn jetkizdi. «Bulaq kórseń, kózin ash» degen. Jas urpaqqa sapaly bilim, sanaly tárbıe berý, balanyń tulǵa retinde qalyptasýy men jeke qabiletterin damytý arqyly oqýǵa degen yn­tasyn arttyrý, olardy bıik maq­satqa um­tyl­dyrý bilim salasy qyz­met­ker­le­ri­ne zor jaýapkershilik júktese, je­ti­sýlyq bilim shańy­raqtary osy bıikten kóringeni qýan­tady. Táýelsiz­di­gimizdiń mereıine degen mundaı tartý jastardyń jigerin janı túsýde. Kúmisjan BAIJAN, Almaty oblysy.