Saıttaǵy jalǵan málimet bir kúni jarǵa jyqpaı ma?

Joǵarǵy Sot sýdıasyna mú­she bolýǵa jáne taǵy basqa sý­dıa­lyq bos oryndarǵa kandı­dattardy usyný balama túrde ótetini týraly Joǵarǵy Sottyń qaýlysy Joǵary Sot Keńesine bı­ylǵy 8 maýsymda usynyl­ǵany týraly Joǵarǵy Sottyń saıtynda aıtylǵan bolatyn. Jáne onda bos orynǵa usy­nyl­ǵan kandıdattar týraly maǵ­lumattar berilip, kandıdat­tar­dy taǵaıyndaýdy ashyq jáne ja­rııaly túrde ótkizý maqsa­tyn­da, olar týraly pikir aıtam deýshiler óz pikirin Joǵarǵy Sot­tyń saıtyna nemese saıtta kór­setilgen meken-jaıǵa jiberýge bola­ty­ny aıtyldy. Aıta ketý kerek, shynynda, bul qoǵamda kópten kútilip júr­gen oń jáne óte durys sheshim edi. Son­dyqtan, saıttaǵy aqpa­rat­pen ta­nysqandar arasynda Joǵarǵy Sot­tyń jańa bas­shy­la­ry sot júı­esindegi keleńsiz­dik­ter­di joıý­ǵa shynymen, durys baǵytta oń qadam jasady degen rızashylyq pikir qalyptasa bastady. Jáne bul sheshimniń qoǵam tarapynan qoldaý tabatyny sózsiz edi. Alaıda, 2-3 kún óter-ótpeste saıtta berilgen aqparat jaıyna qalyp, usynylǵan kandıdattar eshqandaı qoǵamdyq pikirsiz, tal­qylaýynsyz, baıaǵy úıren­shikti qalyptasqan jolmen Jo­ǵa­ry Sot Keńesine jiberilip, bekitilgen. Ashyqtyq pen jarııalylyq týraly saıtta jalǵan habar berý arqyly, sot kadrlaryn ta­ǵaı­yndaýda eski qalyptasqan júıe­ni saqtaı otyryp, sot júıesi týraly qandaıda bir oń pikir qa­lyptastyramyz dep oılaý, shy­nyn aıtqanda, halyqty, qoǵam­dy kópe-kórneý aldaý bolyp ta­bylady, bul búgingi kúni durys pikirge tapshy sot bıligine aby­roı bermeıtin, ónbeıtin tirlik emes pe? Aıtaıyn degenim, eger, bola­shaqta kadrlardy taǵaıyndaý baıa­ǵy eski qalyppen júre beretin bolsa, onda saıttarda jalǵan maǵlumat berip, qoǵamdy dúr­lik­tirýdiń qajeti joq dep oı­laımyn. Oralbaı ÁBDIKÁRIMOV, Senat depýtaty.