Baıqaýdy da baıqap ótkizgen abzal

Kólik jáne kommýnıkasııa mınıstrliginiń  2004 jylǵy 10 naýryzdaǵy №113-1 buıryǵy­men bekitilgen Jolaýshylardy jáne bagajdy avtomobıl kó­li­gimen tasymaldaý erejesine sáıkes «uzaqtyǵy 150 sha­qy­rym­nan asatyn qalaaralyq jáne halyqaralyq turaqty avtomobıl tasymaldary mar­shrýt­ta­ryn­da paıdalanylatyn avtobýs­tar­dyń shalqaımaly ar­­qa­lyq­tary bar jumsaq otyr­ǵysh­tary bolýy tıic» degen óz­gertý mı­nıstrliktiń 2008 jyl­ǵy 10 jel­toqsandaǵy № 539 buıry­ǵymen engizilgen bola­tyn. Osy ózgertýlerdiń negizinde, ótken jyldyń jeltoqsan aı­ynda Batys Qazaqstan obly­sy­nyń turaqty oblysishilik av­tobýs marshrýttaryna qyz­met kórsetý boıynsha BQO jo­laýshylar, kólik jene avtomobıl joldary basqarmasy ót­kizgen konkýrstarda kóptegen turaqty marshrýttar baǵytta­ry sáıkes avtobýstardyń bol­maýyna baılanysty konkýrs lottary bos qalyp, atalǵan jańa talapqa sáı­kes kelmeýine baılanysty kon­kýrs­qa qatysý­shy keıbir tasy­maldaýshy­lar­dyń konkýrstyq qujattama­lary komıssııa tara­pynan qa­raýsyz kaldyrylǵan bolatyn. Osylaısha, ótken jyldyń 30 qarashasynda bolǵan konkýrs ná­tıjesi boıynsha 21 marshrýttan tek 9 marshrýt, 13 jel­toq­san­daǵy konkýrsta 40 mar­shrýt­tan tek 6-ýy ǵana anyq­talǵan edi. Oǵan sebep, aýdandyq (aýyl­dyq) tasymaldaýshylarǵa qoı­yl­ǵan talaptarǵa sáıkes keletin kólikterdiń joqtyǵy. Atal­ǵan talapqa tek qana «LıAZ, Mersedes, Setra» markaly avtobýstar sáıkes keledi. Alaıda, osy ýaqytqa deıin oblystyq ortalyqtan shalǵaı aýdandardyń aýyldyq eldi mekenderine jol sapasynyń óte tómendigine baılanysty avtobýs qatynasy tek PAZ, gazel nemese jaı joldarda júrip ótý múmkindigi joǵary ÝAZ shaǵyn avtobýstarymen qamta­ma­syz etilip kelgen. Úlken klasty avtobýstar osy joldarmen júre almaıdy. Jyldyń mezgilsiz kezinde, ıaǵnı kóktem jáne kúz kezeńderinde avtomobıl qatynasy atalǵan aýdandarda óte shekteýli bolady nemese ýaqytsha toqtatylady. Mysaly, oblys ortalyǵy Oral qalasynan Bókeı ordasy aýdanynyń ortalyǵy Saıqyn aýyly 550 km qashyqtyqta or­nalasqan, asfaltty jol bar-joǵy – 203 shaqyrym. Joldyń qalǵan 347 shaqyrym bóligi sha­ǵyrtasty-qıyrshyqtasty jol, sondyqtan kóktem jáne kúz aı­larynda kóliktiń júrýi qıyn, tap osyndaı jaǵdaı oblystyń basqa eldi mekenderinde de oryn alyp otyr. Oblystaǵy 476 eldi mekenniń 62-sinde ǵana qara jamylǵyly jol bar. Osy­ǵan oraı, jańa talapqa sáı­kes kólik qatynasyn uıymdastyrý múmkin emes. Sonymen qatar, jergilikti halyqtyń oblys or­talyǵymen qatynasatyn kólik túpi – tek qana avtomobıl kóligi. Qazirgi ýaqytta, «Qazaqstan Respýblıkasynyń keıbir zań­namalyq aktilerine kólik máse­leleri boıynsha ózgerister men tolyqtyrýlar engizý týraly» Qa­zaqstan Respýblıkasy Zańy­nyń qabyldanýyna baıla­nys­ty Kólik jáne kommýnıkasııa mınıstrligi tarapynan Jolaý­shy­lardy jáne bagajdy avtomobıl kóligimen tasymaldaý erejesiniń jańa jobasy ázir­lenýde. Osyǵan oraı, jergilikti jaǵ­daıdy eskere otyryp, jańa erejede avtomobıl kóligimen jolaýshylardy jáne bagajdy tasymaldaý kezinde jol uzaq­tyǵyna baılanysty klasy jo­ǵary avtobýstardy qoıý týraly talapty alyp tastaý nemese osy máseleniń basqa da sheshý joldary qarastyrylýy qajet. Áıtpese, jergilikti kólik ká­sip­oryndarynyń alǵashqy ereje talaptaryn júzege asyrýǵa esh múmkindikteri joq. Shavhat О́TEMISOV, Májilis depýtaty.

Fotokúndelik