Tóraǵanyń alǵashqy kezdesýi

Keshe Prezıdenttik mádenıet ortalyǵynda Din isteri jónindegi agenttiktiń tóraǵasy Qaırat Lama Sharıf otandyq BAQ ókilderimen alǵashqy baspasóz máslıhatyn ótkizdi. Otyrys «Qazaqstan – zaıyrly memleket» atty taqyrypta órbidi. – Jańadan qurylǵan Din isteri agenttigi azamattardyń dinı senim bostandyǵyna degen quqyǵyn qamtamasyz etý salasyndaǵy din saıasatyn túsindirý jumystaryn júr­gizýmen, dinı birlestikter jó­nindegi zańnamany jetildirý týrasynda usynystar ázirleýmen aınalysatyn bo­la­dy. Biz, sony­men qatar, Qa­zaqstan qoǵamyn­da­ǵy turaq­ty­lyqty nyǵaıtýǵa yq­pal etetin, rýhanı aǵartýshy­lyq­qa baǵyttalǵan is-shara­lar­dy ót­ki­zip, dinı ekstre­mızm­niń aldyn alý sharalaryna da erekshe kóńil bólmekpiz, – degen ol, memle­ket­tiń zaıyr­lylyǵy elimizdiń ishki tu­raq­tylyǵy men órkendeýiniń basty tiregi bolyp ta­by­latyn­dy­ǵyn da nazardan tys qaldyr­mady. Agenttik tór­aǵasynyń aı­týynsha, mem­le­kettiń zaıyrly­ly­ǵy so­ny­men qatar oı erkindigin qamtamasyz etý, qoǵam ómi­rine paıdaly barlyq jańa­lyq­tardy engizýge daıar turý men ǵylymı-tehnıkalyq pro­greske jol ashý­dy bildiredi. Bizdiń elimizdegi sanǵasyr­lyq tarıhqa ıe, ha­lyq­tyń kóp bóligi ustanatyn ata dinimiz – ıslam jáne hrıstıan dininiń pra­voslavıe tarmaǵy. Mádenıe­ti­mizdiń mańyz­dy quraý­shysy bolyp ta­bylatyn dástúrli ıs­lamnyń qaıta órken­deýi qazaq hal­qynyń rýhanı da­mýy­na eleýli serpin berdi. Bú­gingi tań­da elimiz turǵyn­dary­nyń 70 paıyzyn qu­raıtyn qazaq­tar, ózbekter, uı­ǵyr­lar, tatarlar, qyrǵyzdar, tá­jik­ter, túrki­mender, cheshender, ıngýshter, túrikter, kúrd­ter men dúngender súnnıttik Is­lamdy us­tansa, res­pýb­lıkamyzdyń kóp ultty tur­ǵyndarynyń 25 paıy­zyn quraı­tyn orystar, ýkraındar men belorýstardy biriktiretin negizgi konfessııa pravoslavıe bo­lyp taby­lady. Sonymen qatar, eldiń jalpy turǵyndary­nyń eki paıyzyn qurap otyrǵan polıaktar, nemister men evreıler us­tanatyn katolık, pro­testant­tyq, ıýdaızm din ilim­deriniń ıgilikti rólde­rin de eshkim joqqa shy­ǵara almaıdy. Elimiz táýelsiz­dik alǵannan keıin bul konfessııalar Qa­zaqstanda óz qyz­metterin erkin júzege asy­rý­ǵa múmkindik aldy. Buǵan qosa árbir qazaq­standyq ar-ojdan bostan­dyǵyna quqy­ly ekendigin de atap kór­se­temiz, – dedi Qaırat Qaıyrbekuly. Ábdirahman QYDYRBEK.