Ispanııamen baılanys artady

Keshe Úkimet úıinde Qazaqstan Respýblıkasynyń Premer-Mınıstri Kárim Másimov  Ispanııa Koroldigi Úkimetiniń tóraǵasy Hose Lýıs Rodrıges Sapateromen kezdesip, eki el arasyndaǵy jańa qujattarǵa qol qoıý rásimine qatysty. Kezdesý Ispanııa Úkimeti tóraǵasynyń elimizge eki kúndik resmı sapary aıasynda ótti. Elimizdiń Ispanııa Koroldigimen dıplomatııalyq qarym-qa­ty­nas ornaǵan jyldar ishinde qol jetkizgen jetistikteri eki­jaq­ty baılanystyń jańa deń­geı­ge kóte­rilgendigin aıǵaqtaıdy. Úki­met basshysy Kárim Másimov pen Ispanııa Koroldigi Úkimeti­niń tóraǵasy Hose Lýıs Rodrıges Sa­pateronyń qatysýymen ótken yntymaqtastyq týraly ekijaqty qujattarǵa qol qoıý rásimi bary­synda Qazaqstan jáne Ispanııa memleketteri arasynda Qyl­mys­tyq ister boı­ynsha ózara qu­qyq­tyq kómek kórsetý týraly kon­ven­sııaǵa, Qylmysqa qarsy kú­res­tegi yntymaqtastyq tý­raly memorandýmǵa qol qoıyl­dy. Sondaı-aq Qazaqstan Prezıdenti ja­nyndaǵy Memlekettik bas­qarý aka­de­mııasynyń Dıplomatııa ınstıtýty men Ispanııa Ko­roldigi Syrtqy ister mı­nıstr­­li­giniń Dıplomatııa mektebi ara­syn­da О́zara túsinistik týraly  memo­ran­dýmǵa qol qoıyldy. Al «Qaz­MunaıGaz» UK» AQ ıspan­dyq «Rep­sol» kompanııasymen О́z­ara túsinistik tý­ra­ly memo­ran­dým­ǵa, «Qazaqstan ınjınırıng» UK» AQ  «Indra» kom­pa­nııa­sy­men  Qor­ǵanys jáne qaýipsizdik sa­la­syn­daǵy yntymaqtastyq tý­ra­­ly kelisimge, sonymen qatar, «Ata­me­ken» UEP Is­panııanyń kásipkerlik uıym­­dary­nyń konfe­de­rasııasymen О́z­ara túsinistik týraly memorandýmǵa qol qoıdy.  Qa­zaqstannyń Saýda-ónerkásip pa­­latasy men Ispanııanyń Saý­da-óner­ká­sip pala­tasynyń Joǵary keńesi qazaq­standyq-ıs­pan­dyq iskerlik keńes qurý tý­ra­ly kelisimge kelse, «Qazaq munaı jáne gaz ıns­tıtýty»  AQ pen «Tehnıkas Reý­nı­das» kompa­nııasy О́zara túsinistik týraly  memorandýmdy bekitti. Bul qujattarǵa qol qoıý Qa­zaqstan men Ispanııa ara­syn­daǵy túrli sala­lardaǵy ynty­maq­tas­tyq­ty joǵary deńgeıge kóterýde mańyzdy ról atqara­tyn bolady. Venera TÚGELBAI.