Aýqymy keń halyqaralyq forým jumysyna Qazaqstan Prezıdenti Nursultan Nazarbaev qatysýda

Keshe Elbasy Nursultan Nazarbaev Sank-Peterbýrgtiń 15-shi halyqaralyq ekonomıkalyq forýmyna (PHEF) qatysý úshin Reseıdiń soltústik astanasyna keldi. Búgin forýmda Qazaqstan kóshbasshysy sóz sóıleıdi dep kútilýde. Forým óz jumysyn 16 maý­sym kúni bastasa, saltanatty ashy­lýy 17 maýsymda boldy. Onyń ashy­lýynda Reseı Federa­sııa­synyń Prezıdenti Dmıtrıı Medvedev sóz sóılep, 15 jyldyq tarıhynda forým kórnekti saıası qaıratkerler, korporasııalar bas­shylary men sarapshylardyń ja­handyq ekono­mı­kanyń mańyz­dy máselelerin talqylaıtyn álem­dik pikirtalas alańyna aı­nal­dy degen pikir bildirip, fo­rýmǵa joǵa­ry baǵa berdi. Forýmǵa qatysatyn Memleket basshylarynyń arasynda Nur­sul­tan Nazarbaevtan basqa Qytaı Halyq Respýblıkasynyń Tóraǵasy Hý Szıntao, Ispanııa Premer-mınıstri Hose Lýıs Rodrıges Sapatero, Fınlıandııa Prezıdenti Tarıa Halonen bar. Ekonomıkalyq forým bary­syn­da negizinen jahandyq ekono­mıkanyń ósý qarqyny baǵdar­la­nyp, Reseıde shyǵarmashylyq ka­pı­taldy qalyptastyrý men eko­nomıkalyq kókjıekterdi keńite­tin tehnologııalar týraly pikirler almasylady jáne talqy­laý­lar bolady dep josparlanǵan. PHEF 1997 jyldan bastap jyl saıyn Sankt-Peterbýrg qa­la­synda maýsym aıynda ótkizilip keledi. Ol Reseıdiń ǵana emes, TMD aýmaǵyndaǵy elder úshin de mańyzdy ekonomıkalyq forým bo­lyp esepteledi. Reseılikterdiń ózi ony qatty dáriptep, «Orys Davosy» dep ataıdy. Forým kezinde plenarlyq otyrystar, dóń­gelek ústelder, kórmeler uıym­das­tyrylyp, ınvestısııalyq jo­ba­lardyń tusaýkeserleri, iskerlik kezdesýler men kelissózder ót­kiziledi. Forým jumysyna jýyq shamamen 3 myńǵa jýyq adam qatysady. Byltyrǵy PHEF «Bolashaqqa negiz salý jolynda» degen negizgi taqyryppen ótkizilgen bolatyn. Onyń qorytyndysy boıynsha quny 15 mlrd. eýroǵa jýyq soma­ny qamtyǵan 47 ınvestısııalyq kelisimder men memorandýmdarǵa qol qoıyldy. 15-shi mereıtoıly forým tý­raly reseılik BAQ-tar kóptegen aqparattar taratyp jatyr. So­nyń ishinde kórmelerge qonaq bolý úshin tólenetin aqy bir adamǵa 106 myń rýbl bolsa, VIP aı­maqta turý úshin tólenetin aqy bir adamǵa 177 myń rýbl eken. Osyǵan qaraǵanda, PHEF-ke tek qana asa qudiretti kompanııalar ene alatyny baıqalady. Forým jumysyn álemniń mıllıondaǵan kórermenine keńinen nasıhattaý úshin ondaǵan kameralar, jaryq, apparatýralar qoıylǵan. Olar­dyń báriniń symdaryn qosa eseptegende 140 shaqyrymǵa jetedi eken. Ekonomıkalyq forým Sankt-Peterbýrgtiń «Lenekspo» atty kór­me kesheninde ótip jatyr. Reseıdiń jyl saıynǵy eń basty ekonomıkalyq oqıǵasy da osy shara bolyp sanalady. Kórme kesheniniń aýmaǵy óte úlken, onyń ishinde máslıhat zaldary, kelissózder kabınalary, meıramhanalar, basqa qatysýshylardyń erkin tynystap, qydyryp jú­rýi­ne jaǵdaı týǵyzatyn sýburqaq alańdary da kóp eken. Forým óz ju­my­syn búgin keshke aıaqtaıdy. Jaqsybaı SAMRAT – Sankt-Peterbýrgten.