Otandy qorǵaý – ár azamattyń mindeti

“Otan úshin otqa tús – kúı­meısiń” degen eken Baýkeń, Baý­yr­jan Momyshuly. Osy sózdiń ózegine boılasań kóp aqıqat ashy­lady. Otandy qorǵaý, eń aldymen, er azamattardyń mindeti. M.Áýezov atyndaǵy Ońtústik Qazaqstan memlekettik ýnıversı­te­tiniń áskerı kafedrasy moto­atqyshtar jáne RHBQ mamandyǵy boıynsha stýdentterge bilim berip keledi. Tyńdaýshylarǵa áskerı ofıserler sapaly bilim men sa­naly tárbıe berýde búgingi áskerı qorǵanys salasyndaǵy jaqsy jetistikterdi tájirıbemen ushtasty­ryp keledi. «Qazaqstan Respýblı­kasyn qorǵaý – onyń árbir aza­matynyń qasıetti paryzy men min­deti» – dep Ata Zańda kórse­tilgen osy bir maǵynaly uǵymdy óskeleń urpaq jastaıynan boıy­na sińirip ósýi kerek. Tyńdaý­shy­lardy áskerı qyzmetke daıyndap, óz Otany – Qazaqstan Respýblı­kasy men onyń halqy aldyndaǵy jaýapkershiligin uǵyndyrý áskerı ka­fed­ra pániniń negizi bolyp ta­bylady. Patrıotızm – óz eńbegin, kúsh jigerin týǵan jeri men Otanyn kórkeıtýge jumsaý degen uǵymdy bildiredi. Patrıottyq sezimniń ny­sany Otan desek, onyń negizi týǵan jer, ulttyq til, dil, dástúr, olardyń adamǵa jylylyq berip, izgi erlik ister qaınar kózine aı­nalýy patrıotızmge tárbıeleýdiń arqaýy bolyp tabylatynyn biz­diń ár tyńdaýshy túsinip biledi. Áskerı kafedradaǵy eki rotada 6 vzvod áskerı jıynǵa qaty­syp, áskerı bilimderin ushtasty­ryp jatyr. Bólimshelerdiń komandırleri men aǵa oqy­týshy pol­kovnık A.Ibragımov jáne polkovnık G.Ignotenko áskerı kafe­dradaǵy oqıtyn tyńdaýshy­lar­ǵa óz bilimderin oqý barysynda já­ne áskerı jı­yndaǵy tájirıbelik sabaqtardy oqytýda bar kúsh­terin salyp keledi. Taıaýda áskerı jıynyń birinshi aptasynda tyńdaýshylar sal­ta­natty túrde ant qabyldady. Ant qabyldaý “Dańq” memorıaly alańynda ótti. Tálimgerlerdiń ol jerdi tańdaǵan sebebi tyńdaý­shy­lardy Otan aldyndaǵy azamattyq boryshy men jaýapkershiligin te­reń túsindirýge negizdeldi. Jaý­yn­ger­lerdiń azamattyq qasıetin shyńdaý úshin tarıhı oryndarǵa ekskýrsııalar uıymdastyrý, dańq­ty jerlerdi, tarıhı qalalardy kórsetý, áskerı bólim­shelerdiń tur­mys jaǵdaılary men kezdesýler ótkizý kerek. “Dańq” memo­rıa­ly alańynda Uly Otan soǵy­syna qatysqan 140 000 jaýyn­gerdiń esimderi tasqa qashalyp jazylǵan. Áskerı ant M.Áýezov atyn­da­ǵy Ońtústik Qazaq­stan memlekettik ýnıversıtetiniń rektory Ýálıhan Bıshimbaevtyń, tárbıe jó­nin­degi prorektory Tur­ly­bek Ys­qaqovtyń jáne áskerı kafedra bastyǵy, polkovnık Sabyrjan Ha­kımjanovtyń tikeleı qaty­sýy­men ótti. Oqý jıynynda kún tizbesine sáıkes taktıkalyq dárister «Darbaza» polıgonynda ótedi. Qazaq­stan bıyl táýelsizdiginiń jıyrma jyldyǵyn laıyqty atap ótkeli otyr. Memleketimiz óz erkimen eshqan­daı elge soqtyqqan emes, maqsaty – beıbitshilik. Biraq, myq­ty memleket úshin myqty ás­kerı baza, qorǵanys qajet. Árbir jaýynger qajet jaǵdaıda qasıet­ti Otanyn qorǵaýǵa qashanda daı­yn bolýy kerek. Biz osyny tyn­daýshylarǵa uǵyndyrýǵa tyry­sa­­myz. Bú­gingi jastardyń bodandyq qamytyn kıgen urpaqtan ózgerek, patrıot bolyp ósip kele jatqan­dyǵy qýantady. Muhamedálı EREJEPOV, M.Áýezov atyndaǵy OQMÝ áskerı jıyny bastyǵynyń tárbıe jumysy jónindegi orynbasary, kapıtan. Shymkent.