«Qasym» ádebı saıt-portaly ashyldy

Ultymyzdyń uly perzenti, alashtyń aqıyq aqyny Qasym Amanjolovtyń ǵasyrlyq toıy qarsańynda taǵy bir súıinshi habar jetti. Ǵalamtor keńistiginde www.qasym.kz mekenjaıy bo­ıyn­sha «Qasym» ádebı saıt-por­taly ashyldy. Jańa joba Qara­ǵan­dy oblysy ákimdiginiń qold­aýy jáne Qara­ǵandydaǵy «Bola­shaq» ýnıversıtetiniń bastama­sy­men qurylǵan. Endi jahandyq jelini paıda­lanýshylar «Qasym» portaly­nan aqynnyń taǵdyry men jasampaz shyǵarmashylyǵy j­a­ıyn­da tolyqqandy aqparat ala alady. Ta­r­­qatyp aıtsaq, daýyl­­­paz aqynǵa arnalǵan portal «Qasym-taǵ­dyr», «Poezııa», «Aý­dar­malar», «Kósemsóz», «Drama», «...óz jaıymda», «Qasym­taný», «Bir kúı bar», «Qasym-álem», «Dúnıege keler áli...», «Fo­toshejire», «Beınebaıan» sııaq­ty bólimderden turady. Árbir bólimniń máıekti maqalalary, sú­beli oılary jáne súıekti usy­nys­tary qasymshyl oqyrmandy beıjaı qaldyrmasy anyq. Son­daı-aq, azattyqtyń aryn­dy aqy­nyna arnalǵan ádebı portaldan Q.Aman­jolovtyń 100 jyldyǵyna oraı respýblıka kóleminde ótip jatqan is-sharalar jaıly bilýge bolady. Qasymtanýshylardyń so­ny derekteri men zerdeli zertteýleri, ataqty ǵalymdar men qoǵam qaıratkerleriniń úzik oılary nazardan tys qalmaǵan. Sondyqtan ataýly saıt jas urpaqtyń rýhanı kókjıegin keńeıtip qana qoımaı, janartaý aqynnyń jyryn árbir júrekke uıalatary sózsiz. Portaldyń aqyldastar alqa­synda Qazaqstan Jazýshylar oda­ǵy tóraǵasynyń birinshi oryn­ba­sary, halyqaralyq «Alash» syı­lyǵynyń laýreaty Ǵalym Jaı­lybaı, Jazýshylar odaǵy Qara­ǵandy oblystyq bólimshesiniń tóraǵasy, aqyn Serik Aqsuń­qar­uly, «Bolashaq» ýnıver­sıteti­niń rektory, ıdeıa av­tory Nur­lan Dýlatbekov, Qaraǵandy ob­ly­sy ákiminiń oryn­basary Arman Qy­­ryqbaev, oblystyq «Or­talyq Qa­zaq­stan» ga­zetiniń bas redak­tory Maǵaýııa Sembaı, «NurAstana» gazeti bas redak­torynyń oryn­basary Amangeldi Keńshilikuly, «Qazaqfılm» kınostýdııasynyń bas redak­tory, jazýshy Dıdar Amantaı jáne basqa da belgili azamattar bar. Árıne, búgingideı aqparat naryǵy men ınnovasııa zama­nyn­da «Qasym» ádebı por­taly­nyń ashylýy zańdy qubylys. Q.Amanjolov ǵumyry men poe­zııasynyń aqtańdaq betterin aqtarsaq, áli ta­laı jaıdyń beti ashylary anyq. Olaı bolsa, qazaq ǵalamt­o­ryn­da «Qasym» portalynyń  óz ornyn ala­ty­nyna senim mol. Dýlat AMANJOL. Qaraǵandy.