Qazaqstan Respýblıkasy Úkimetiniń qaýlysy №251

2011 jylǵy 11 naýryz, Astana, Úkimet Úıi Memleket menshiginde bolatyn geologııalyq aqparatty oqý, ǵylymı, kommersııalyq maqsattarda paıdalaný jáne geologııalyq aqparatty Qazaqstan Respýblıkasynan tysqary jerge áketý qaǵıdasyn bekitý týraly «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańy 16-babynyń 29) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Memleket menshiginde bolatyn geologııalyq aqparatty oqý, ǵylymı, kommersııalyq maqsattarda paıdalaný jáne geologııalyq aqparatty Qazaqstan Respýblıkasynan tysqary jerge áketý qaǵıdasy bekitilsin. 2. Mynalardyń kúshi joıyldy dep tanylsyn: 1) «Memleket menshigindegi geologııalyq aqparat jáne ony oqý, ǵylymı, kommersııalyq jáne ózge de maqsattarda paıdalaný tártibi týraly erejeni bekitý týraly» Qazaqstan Respýblıkasy Úkimetiniń 1996 jylǵy 7 qarashadaǵy № 1357 qaýlysy (Qazaqstan Respýblıkasynyń PÚAJ-y, 1996 j., № 45, 436-qujat); 2) «Qazaqstan Respýblıkasy Úkimetiniń jer qoınaýyn paıdalaný jónindegi keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 1998 jylǵy 22 maýsymdaǵy № 578 qaýlysynyń 1-tarmaǵy 4) tarmaqshasy (Qazaqstan Respýblıkasynyń PÚAJ-y, 1998 j., № 19, 172-qujat); 3) «Qazaqstan Respýblıkasy Úkimetiniń 1996 jylǵy 7 qarashadaǵy № 1357 qaýlysyna ózgerister engizý týraly» Qazaqstan Respýblıkasy Úkimetiniń 2003 jylǵy 4 tamyzdaǵy № 779 qaýlysy (Qazaqstan Respýblıkasynyń PÚAJ-y, 2003 j., № 31, 314-qujat). 3. Osy qaýly alǵashqy resmı jarııalanǵan kúninen bastap on kúntizbelik kún ótken soń qoldanysqa engiziledi. Qazaqstan Respýblıkasynyń Premer-Mınıstri     K.MÁSIMOV. Qazaqstan Respýblıkasy Úkimetiniń 2011 jylǵy 11 naýryzdaǵy  №251 qaýlysymen  bekitilgen Memleket menshiginde bolatyn geologııalyq aqparatty oqý, ǵylymı, kommersııalyq maqsattarda paıdalaný jáne geologııalyq aqparatty Qazaqstan Respýblıkasynan tysqary jerge áketý qaǵıdasy 1. «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń (budan ári – Zań) 16-babynyń 29) tarmaqshasyna sáıkes ázir­lengen Memleket menshiginde bolatyn geologııa­lyq aqparatty oqý, ǵylymı, kommersııalyq maqsat­tarda paıdalaný jáne geologııalyq aq­parat­ty Qazaqstan Respýblıkasynan tysqary jerge áketý qaǵıdasy (budan ári – Qaǵıda) memleket menshiginde bolatyn geologııalyq aqparat­ty oqý, ǵylymı jáne kommersııalyq maqsattarda paıdalaný tártibin (budan ári – geologııalyq aqparat) anyqtaıdy. 2. Memleket menshiginde bolatyn geologııalyq aqparatty oqý, ǵylymı, kommersııalyq maqsattarda paıdalaný tártibi 2. Osy Qaǵıdanyń 3-tarmaǵynda kórsetilgen geologııalyq aqparatty qospaǵanda, geologııalyq aqparatty paıdalanýǵa usynýdy Qazaqstan Res­pýb­lıkasynda geologııalyq aqparattyń saqtaý­shysy bolyp tabylatyn jer qoınaýyn zerdeleý men paıdalaný jónindegi ýákiletti organ (budan ári – ýákiletti organ) júzege asyrady. 3. Qaǵıda memlekettik qupııalardy qamtıtyn geologııalyq aqparatqa qoldanylmaıdy. 4. Geologııalyq aqparat bastapqy jáne qaı­talama negizgi eki túrdi qamtıdy: Geologııalyq bastapqy aqparatqa: burǵylaý uńǵymalarynyń baǵanasy, munaı, sý, gaz synamalary, tas materıaldyń úlgileri, synamalary jáne kolleksııalary, shlıftar, anshlıftar, mıneraldyq eritindiler men untaqtar arqyly bildirilgen tabıǵı taratýshylarǵa ar­nal­ǵan aqparat (zattaı aqparat); dalalyq baıqaý jýrnaldary men basqa da qujattamalarda, onyń ishinde synaý, synama­lardy taldaý, geofızıkalyq baıqaýlardy tirkeý jýrnaldarynda jasandy taratýshylarda (qaǵaz jáne elektrondy) kórsetilgen aqparat jatady. Qaıtalama geologııalyq aqparatqa bastapqy aqparatty óńdeý, maǵynasyn ashý, taldaý jáne qorytý nátıjesinde alynǵan aqparat jatady. 5. Bastapqy jáne qaıtalama geologııalyq aq­parat: tabıǵı tasymaldaýshylardaǵy aqparattyń telnusqalary jáne qujattardyń kóshirmeleri túrinde; geologııalyq aqparatty kóshirme jasamaı jáne almaı-aq tanysý jolymen berilýi múmkin. 6. Geologııalyq aqparat oqý maqsattarynda memlekettik, sondaı-aq akkredıttelgen jeke oqý oryndaryna beriledi. Ǵylymı zertteýler memlekettik bıýdjetten qarjylandyrylǵan jaǵdaıda, ǵylymı maqsattarda geologııalyq aqparat beriledi. Memlekettik nemese akkredıttelgen oqý ornynyń nemese ǵylymı uıymnyń suraý salýy negizinde ýákiletti organ geologııalyq aqparatty oqý nemese ǵylymı maqsattarda paıdalanýǵa berý týraly ne ony berýden dáleldi bas tartý týraly sheshim qabyldaıdy. Suraý salý suraý salynatyn geologııalyq aqparattyń maqsaty men kólemin, oqý baǵdarlamasy týraly jalpy málimetterdi, ǵylymı zertteýlerdiń sıpatyn qamtýy tıis. Myna jaǵdaılarda oqý nemese ǵylymı maqsattar úshin geologııalyq aqparatty berýden bas tartylýy múmkin: suraý salynatyn geologııalyq aqparattyń kólemi men mazmuny oqý baǵdarlamasynyń maz­munyna (eger geologııalyq aqparatqa oqý uıymy suraý salǵan jaǵdaıda) nemese júrgiziletin ǵylymı zertteýlerdiń sıpatyna (eger geologııa­lyq aqparatqa ǵylymı uıym suraý salǵan jaǵdaıda) sáıkes kelmegende; suraý salynatyn geologııalyq aqparat kon­kýrsqa qoıylatyn jer qoınaýy ýchaskele­riniń tizbesine engizilgen jer qoınaýy ýchaskesi jónin­degi geologııalyq aqparat paketiniń quramyna engende. Bul rette geologııalyq aqparat tek atalǵan jer qoınaýy ýchaskesi boıynsha kelisimshart jasalǵannan keıin ne ony konkýrsqa qoıylatyn jer qoınaýy ýchaskeleriniń tizbesinen alyp tastaǵan jaǵdaıda beriledi; suraý salynatyn geologııalyq aqparat memlekettik qupııalardy quraıtyn málimetterdi quraǵanda. 7. Geologııalyq aqparatty kommersııalyq maqsattarda mynalar paıdalanady: jer qoınaýyn paıdalaný quqyǵyn alýǵa arnalǵan konkýrstqa qatysýshy – jumys baǵdar­la­masy men barlaý jáne (nemese) óndirýdi júze­ge asyrý boıynsha tehnıkalyq-ekonomıka­lyq kórsetkishterdi ázirleýge jetkilikti geologııalyq, taý-ken-tehnıkalyq, tehnologııalyq jáne ózge aqparat kólemin qamtıtyn konkýrstyq paket túrinde; kelisimsharttyq mindettemelerdi oryndaý maqsatynda jer qoınaýyn paıdalanýshy; ýákiletti organmen jasalǵan shart negizinde memlekettik bıýdjettik baǵdarlama boıynsha jer qoınaýyn geologııalyq zertteýge baılanysty jumystardy júrgizetin tulǵa; málimdelgen maqsattar úshin qajetti kólemde jerasty qurylystaryn salýǵa jáne (nemese) paıdalanýǵa jer qoınaýyn paıdalaný quqyǵyn alýǵa ótinish bergen tulǵa. 8. Jer qoınaýyn paıdalanýdan bos paıdaly qazbalardyń ken oryndarymen tanysý úshin geo­logııalyq aqparat ýákiletti organnyń sheshimi bo­ıynsha múddeli tulǵanyń suraý salýy negizinde Qazaqstan Respýblıkasynyń jer qoınaýy jáne jer qoınaýyn paıdalaný týraly jáne memlekettik qupııalardy qorǵaý týraly zańna­masynyń talaptary saqtalǵan jaǵdaıda beriledi. 9. Geologııalyq aqparat turaqty nemese ýa­qytsha paıdalanýǵa beriledi. Geologııalyq aqpa­rat ýaqytsha paıdalanýǵa ýákiletti organmen jasalǵan shart boıynsha jer qoınaýyn memlekettik geologııalyq zertteý jónindegi jumys­tardy oryndaıtyn tulǵalarǵa beriledi. Barlyq ózge jaǵdaılarda geologııalyq aqparat turaqty paıdalanýǵa beriledi. 10. Geologııalyq aqparat aqyly (tólem óndirý) nemese óteýsiz (tólem óndirmeı) negizde beriledi. Tólem óndirmeı (óteýsiz) geologııalyq aqparat: memlekettik bıýdjet qarajaty esebinen jer qoınaýyn geologııalyq zerdeleýge baılanysty jumystardy júrgizetin tulǵalarǵa; ǵylymı maqsattar úshin, ǵylymı zertteýler memlekettik bıýdjetten qarjylandyrylǵan jaǵ­daıda; oqý maqsattarynda – memlekettik, sondaı-aq akkredıttelgen jeke oqý oryndaryna; memlekettik organdarǵa beriledi. Osy tarmaqta kózdelgen jaǵdaılardy qospa­ǵanda, geologııalyq aqparat onyń quny Qazaq­stan Respýblıkasynyń bıýdjetine tólengen jaǵdaıda aqyly negizde paıdalanýǵa beriledi. Geologııalyq aqparatty usyný sharttaryna qaramastan, odan kóshirme jasaý shyǵyndaryn aqparat alýshy jeke óndirip alynady. 11. Konkýrs týraly habarlandyrýǵa deıin ýákiletti organ konkýrsqa qoıylatyn jer qoı­naýynyń ýchaskeleri jóninde geologııalyq aqpa­rat paketterin daıyndaıdy jáne onyń qunyn anyqtaıdy. Paket ótinish berýshiniń konkýrsqa qatysý týraly sheshim qabyldaýǵa qajetti geo­logııalyq, taý-ken-tehnıkalyq, tehnologııa­lyq jáne ózge de aqparattardyń kólemin qamtýy tıis. Konkýrsqa qatysýǵa ótinish qabyldanǵannan keıin ýákiletti organ ótinish berýshiniń júginýinen keıin bir aıdyń ishinde ótinish berýshige aqyǵa qoıylatyn jer qoınaýy ýchaskesi jóninde geologııalyq aqparat paketi usynady. Tikeleı kelissózderge qatysýǵa ótinish qabyl­danǵannan keıin ýákiletti organ ótinish berý­shiniń júginýinen keıin bir aıdyń ishinde aqyǵa qoıylatyn jer qoınaýy ýchaskesi jóninde geo­logııalyq aqparat paketin usynady. Geologııalyq aqparat paketiniń quny tarıhı shyǵyndardyń mólsherin eskere otyryp anyqtalady. Geologııalyq aqparat paketiniń quny qaıta­rýǵa jatpaıdy. О́tinish berýshiniń alynǵan geologııalyq aqpa­ratty kez kelgen nysanda ashýǵa nemese úshinshi tulǵaǵa berýge quqyǵy joq. 12. Memleket menshiginde bolatyn geologııa­lyq aqparattyń quny tarıhı shyǵyndar somasy­nyń bir bóligi retinde anyqtalady. 13. Geologııalyq aqparat ýákiletti organ men zańdy nemese jeke tulǵa arasynda jasalǵan kelisim (budan ári – Kelisim) negizinde beriledi. Kelisim zańdy jáne jeke tulǵadan geologııalyq aqparatty alýǵa ótinish túsken sátten bastap bir aıdyń ishinde jasalady. 14. Qaǵıdanyń 15-tarmaǵynda baıandalǵan jaǵdaıdan basqa, geologııalyq aqparatty paıda­la­nýǵa alǵan zańdy nemese jeke tulǵa onyń qupııalylyǵyn saqtaıdy: tırajdamaıdy, úshin­shi tulǵaǵa bermeıdi, tek kelisim máni boıynsha jumystardy oryndaý úshin ǵana paıdalanady. Zańdy nemese jeke tulǵa qupııalylyq talap­taryn oryndamaǵan jaǵdaıda, geologııalyq aqparatty paıdalaný quqyǵynan aıyrylady jáne ýákiletti organǵa barlyq alynǵan mate­rıal­dardy qaıtarady. Qupııalylyq talaptary Kelisimde retteledi. 15. Ýákilettti organnan aqyly negizde geologııalyq aqparat alǵan zańdy nemese jeke tulǵa onyń kelisimsharttyq aýmaqta jer qoı­naýyn paıdalanýshynyń resmı túrde resimdelgen tapsyrysy boıynsha jumystardy oryn­daı­tyn óziniń merdigerine (budan – ári merdiger) osy geologııalyq aqparattyń kóshirmesin ýaqytsha paıdalanýǵa bere alady. Merdigerge geologııa­lyq aqparatty berý jer qoınaýyn paıdalaný­shy, onyń merdigeri men ýákiletti organ arasyn­daǵy úshjaqty shartpen resimdeledi. Merdi­gerdiń geologııalyq aqparatty paıdalaný merzimi kelisimsharttyq aýmaqta merdigerlik jumystar­dy oryndaý merzimimen anyqtalady. Jer qoınaýyn paıdalanýshynyń tapsyrysy boıynsha onyń kelisimsharttyq aýmaǵynda ju­mys­taryn oryndaıtyn zańdyq jáne jeke tulǵadaǵy merdiger Qaǵıdanyń 14-tarmaǵyna sáıkes qupııalylyq talaptaryn saqtaıdy. 16. Geologııalyq aqparat kóshirmeler túrinde usynylady. Geologııalyq aqparatty usyný talaptaryna baılanyssyz oǵan kóshirme jasaý jónindegi shyǵystardy geologııalyq aqparatty alýshy jeke óteıdi. 3. Geologııalyq aqparatty Qazaqstan Respýblıkasynyń aýmaǵynan tysqary jerlerge áketý tártibi 17. Qazaqstan Respýblıkasynan tysqary jerge áketýge zańdy nemese jeke tulǵalarǵa (budan ári – О́tinish berýshi) ýákiletti organ bergen nemese jer qoınaýyn paıdalaný prosesinde alynǵan geologııalyq aqparat jatady. Qazaqstan Respýblıkasynan tysqary jerge áketýge Qaǵıdanyń 4-tarmaǵynda anyqtalǵan geologııalyq aqparat túrleri jatady. 18. Geologııalyq aqparat Qazaqstan Respýblı­kasynyń aýmaǵynan keden odaǵynyń aýmaǵynda da, sondaı-aq Keden odaǵynyń aýmaǵynan (budan ári – keden odaǵynyń aýmaǵy) tysqary jerlerge áketilýi múmkin. 19. Keden odaǵynyń aýmaǵynan tysqary jerlerge geologııalyq aqparatty áketý keden odaǵynyń ýákiletti memlekettik organy bergen (budan ári – memlekettik organ), ýákiletti organmen kelisilgen lısenzııalardyń negizinde, al keden odaǵynyń aýmaǵynda geologııalyq aqparatty áketý ýákiletti organnyń Ruqsaty negizinde júzege asyrylady. 20. Geologııalyq aqparatty tabıǵı tasy­maldaǵyshtarda Keden odaǵynyń aýmaǵynan tysqary jerge áketý úshin О́tinish berýshi memlekettik organǵa jáne ýákiletti organnyń tıisti aýmaqtyq organyna (budan ári – aýmaqtyq organ) ótinishti jáne oǵan qosa О́tinish berýshiniń qoly qoıylǵan geologııalyq aqparatty irikteý aktisin, ótinish berýshi jáne aýmaqtyq organ qol qoıǵan geologııalyq aqparatty qaraý aktisin, áketiletin geologııalyq aqparattyń tizimin, kedendik zerthananyń saraptamalyq qorytyndyny beredi. Aýmaqtyq organ ótinimdi qarap, kúntizbelik on kún ishinde óziniń qorytyndysyn ýákiletti organǵa jiberedi. Memlekettik organ О́tinish berýshiniń ótini­shin qarap, ýákiletti organǵa kelisýge joldaıdy. Ýákiletti organ oń sheshim qabyldaǵan jaǵdaıda, jeti kúntizbelik kún ishinde kelisilgen ótinimdi memlekettik organǵa kedendik odaqtyń aýmaǵy arqyly geologııalyq aqparatty áketýge arnalǵan lısenzııa berýge joldaıdy. 21. Geologııalyq aqparatty jasandy tasy­maldaǵyshtarda Keden odaǵynyń aýmaǵynan tysqary jerge áketý úshin О́tinish berýshi memlekettik organǵa jáne tıisti aýmaqtyq organǵa ótinishti jáne oǵan qosa ótinish berýshi jáne aýmaqtyq organ qol qoıǵan geologııalyq aqpa­ratty qaraý aktisin, áketiletin geologııalyq aqparattyń tizimin, aýmaqtyq organnyń memlekettik qupııalardy qorǵaý jónindegi bólimshesi beretin qupııa geologııalyq aqparattyń joqtyǵy týraly anyqtamany beredi. Aýmaqtyq organ ótinimdi qarap, kúntizbelik on kún ishinde óziniń qorytyndysyn ýákiletti organǵa jiberedi. Memlekettik organ О́tinish berýshiniń ótini­shin qarap, ýákiletti organǵa kelisýge joldaıdy. Ýákiletti organ oń sheshim qabyldaǵan jaǵdaıda, jeti kúntizbelik kún ishinde kelisilgen ótinishti memlekettik organǵa Keden odaǵynyń aýmaǵy arqyly geologııalyq aqparatty áketýge arnalǵan lısenzııa berýge joldaıdy. 22. Geologııalyq aqparatty tabıǵı tasymal­daǵyshtarda Keden odaǵynyń aýmaǵynda jerlerge áketý úshin О́tinish berýshi tıisti aýmaqtyq organǵa ótinishti jáne oǵan qosa О́tinish berý­shiniń qoly qoıylǵan geologııalyq aqparat­ty irikteý aktisin, ótinish berýshi jáne aýmaqtyq organ qol qoıǵan geologııalyq aqparatty qaraý aktisin, áketiletin geologııalyq aqparattyń tizimin, kedendik zerthananyń saraptamalyq qorytyn­dyny beredi. Aýmaqtyq organ kúntizbelik on kún ishinde ótinishti qarap, óziniń qorytyndysyn ýákiletti organǵa jiberedi, ol oń sheshim qabyl­danǵan jaǵdaıda, kúntizbelik on kún ishinde keden odaǵynyń aýmaǵy sheginde Qazaqstan Respýb­lıkasynyń memlekettik shekarasy arqyly geo­lo­gııalyq aqparatty áketýge arnalǵan Ruqsatty beredi. 23. Geologııalyq aqparatty jasandy ta­symal­daǵysh­tarda Keden odaǵynyń aýmaǵy shegindegi jerlerge áketý úshin О́tinish berýshi tıisti aýmaqtyq organǵa ótinishti jáne oǵan ótinish berýshi jáne aýmaqtyq organ qol qoıǵan geolo­gııalyq aqparattardy qaraý aktisin, áke­tiletin geologııalyq aqparattyń tizimin, aýmaqtyq organnyń memlekettik qupııalardy qorǵaý jónindegi bólimshesi bergen qupııa geologııalyq aqparattyń joqtyǵy týraly anyqtamany beredi. Aýmaqtyq organ kúntizbelik on kún ishinde ótinishti qarap, óziniń qorytyndyny ýákiletti organǵa jiberedi, ol oń sheshim qabyldanǵan jaǵdaıda, kúntizbelik on kún ishinde kedendik odaqtyń aýmaǵynyń sheginde Qazaqstan Respýb­lıkasynyń memlekettik shekarasy arqyly geo­lo­gııa­lyq aqparatty áketýge arnalǵan Ruqsatty beredi. 24. Qazaqstan Respýblıkasynan tysqary jerge áketiletin geologııalyq aqparattarǵa ruqsat berýge qujattardy resimdeý ındýstrııa­lyq saıasatty retteý salasyndaǵy ýákiletti organ bekitetin nusqaýlyqqa sáıkes júzege asyrylady.