Biz azat eldiń ulanymyz!

Táýelsizdikti ár azamat maq­tan tutady. Al táýelsiz elde turý ár adam úshin shynaıy ba­qyt. Jyldar óte «táýelsiz el» degen sóz tirkesiniń máni kún­delikti bolyp qalady da, barlyq adamdarǵa belgili uǵ­ym­dy ja­ńa­lyq retinde tany­tý qıyn. Sol sebepten halyq óz bostandyǵy týraly jylyna bir ret qana Táýelsizdik kúni esine alady. Biraq 2011 jyly emes. 16 jeltoqsanda Táýelsiz Qazaqstan­nyń 20 jyldyq mereıtoıy ata­lyp ótedi! Bul, sózsiz, erekshe toılaýdy talap etetin oqıǵa. Ár qazaqstandyq elimizdiń 20 jyl­dyq táýelsizdik mereıtoıyna ózi­niń qomaqty úlesin qosý úshin arnaıy «Qazaqstan Respýblıkasy Táýelsizdiginiń 20 jyldyǵyn ót­ki­zýge arnalǵan sharalardyń tu­jy­rymdamasy men jospary» ja­salǵan. Bul qural uıymdas­ty­rý­shylar úshin «nusqaý» bolsa, qala turǵyndary úshin «oıyn-saýyq baǵdarlamasy» bolyp tabylady. Jyldyń ár aıy táýelsizdikke baı­lanysty belgili bir taqy­ryp­qa arnalǵan jáne osyǵan oraı túrli sharalar ótkiziledi. Mysaly, qańtar – Azıada aıy, ol Qazaqstannyń jetistikterin, ekonomıkalyq qýattylyǵyn jáne halyqaralyq bedelin kórsetken. Osyǵan sáıkes qańtar aıy sport oıyndaryna, saıystaryna toly bolyp, kóńildi Irbı barysy aıa­syn­da ótti. Halyq Astananyń sýy­ǵy týraly umytyp, barlyq nazarlaryn bizdiń sportshylarǵa aýdardy. Elimizdiń túkpir-túk­pi­rinen «Alǵa, Qazaqstan!» degen daýystar estildi. Qańtar Qazaqstan Respýblı­kasy Táýelsizdigin Halyqaralyq moıyndaý aıy – aqpanǵa ulasty. Ol týraly bárimizge belgili dep oılaımyn. Azıadany óte jaqsy ótkizip, EQYU sammıtiniń nátı­jelerin qorytyp, sodan keıin... naýryzdyń «dástúrlerine» kósh­tik. Quttyqtaýlardyń basym kóp­shiligin elimizdiń názik te sulý jandary – qyz-kelinshekter, analar, apa-ájeler qabyldady. 8 Naýryz merekesi bıyl óte aý­qym­dy atalyp ótse, ol Naýryz meı­ramymen jalǵasty. Elimizdiń bar­lyq belsendileri qyzý áreket jasap, óz tanystary men kórshi­lerin qalany gúldendirýge tar­typ, senbilikterimiz de jaqsy ótti. Sáýir «Ǵylym jáne tehnologııa» aıy dep ataldy. Stýdent­ter­diń kezi keldi. Olar ózderin kór­sete alatyn ǵylymı jetistikter kórmesi ótip, aqparattyq tehnologııalar saıabaqtarynyń tusaýke­ser­leri uıymdastyryldy. Ma­myr halyq sherýleri jáne pa­rad­tarymen belgili Birlik aıy retinde ataldy. Ol qazaqtardyń Tór­tinshi quryltaıymen aıaqtaldy. Maýsym «otansúıgishtik» bas­ta­ýymen ótkizilip, Memlekettik rámizder kúnin atap ótýge jáne táýelsizdiktiń 20 jyldyǵyna ar­nalǵan birqatar forýmdar, sletter jáne aksııalar uıymdas­ty­ryldy. Sonymen qatar, balalar­dy qorǵaý kúni de merekelendi. Shilde Qazaqstannyń elorda­sy aıy bolyp ótedi. Astana kú­nine oraı osynda aýqymdy is sharalar uıymdastyrylady. Bul mereke ár qazaqstandyqty beıjaı qaldyrmaıtyny sózsiz. Sport sha­ralary, konsertter, qaıyrym­dylyq keshter, sansyz konkýrstar jáne festıvaldar ózin kúttirip qoımaıdy! Baıqap otyrsańyz – bul oqıǵa barlyq jurtqa jarııa­lanady. Tamyz Táýelsizdiktiń quqyq­tyq negizderine arnalǵan, bul «ataý» 30 tamyz Konstıtýsııa kú­nine oraı­lastyrylǵan. О́ziniń ata­ýyn aqtap tamyz aıy Konstı­týsııany túsin­diretin oqylymdar jáne ás­ke­rı paradpen barly­ǵy­myzdy qý­an­­tady, al Sport kúnine baıla­nys­ty sport­tyq forým ót­kiziledi. Biz úshin tereń rýhanı aı – qyr­kúıek aıy bolyp keledi, ha­lyqqa tatýlyq pen birlik týraly Qa­zaqstan halqynyń tilder festıvali eske salady, al paıda bolǵan suraqtarǵa jaýap berýge V Aza­mattyq forým kómektesedi. So­nymen qatar, kúz bizdi taǵy da Qazaqstannyń drama teatr­lary­nyń respýblıkalyq festıvali men «Kaspıı – dostyq teńizi» at­ty V Halyqaralyq festıvalimen qýantady. Qyrkúıekte rýhanı qundy­lyq­tardy eske alǵan soń biz ózi­mizdiń túp tamyrlarymyzǵa ora­lamyz – «Aýyldyń gúldenýi» atty qazan aıy keledi. Agro­óner­kásip salasy eńbekkerleriniń  res­pýb­lıkalyq forýmy, «Bereke bas­taýy» atty nan festıvali jáne Qarttar kúnine arnalǵan birqatar sharalar ótkiziledi. Qarasha ózimen birge qystyń sýyq tynysyn alyp keledi de, bizdi úlken qalalarǵa oralýy­myz­ǵa májbúr etedi. Sol sebepten osy aıǵa Jedeldetilgen ındýs­trııa­lyq-ınnovasııalyq damý degen at berilgen, bastapqysy qa­rashada Qazaqstannyń qarjyger­leri kongresi ótedi. Osydan keıin sapa salasyndaǵy «Altyn sapa» konkýrsynyń jeńimpazdaryn sal­tanatty marapattaý rásimi uıym­das­tyrylyp, gaztýrbınalyq elektr stansasy iske qosylady. Qa­rasha alyp munaı-gaz kórme­si­men aıaq­talady. 16 jeltoqsan mereıtoıdyń bas­ty kúni – «Táýelsizdik» jala­ýynyń astynda ótetin sansyz sharalarmen támamdalady. Biz osy kúndi máńgi esimizde saqtaımyz. Bul jıyrma jyl tarıh úshin qas qaǵym sát, biraq biz úshin úlken jetistikterge toly. Kóp­shi­ligimiz 1991 jyly dúnıege kelip, táýelsiz Qazaqstan bizdiń, táýel­sizdik qurdastarynyń kóz aldyn­da damyp, ósip, órkendeý ústinde. Qazir bizdiń maqsatymyz – týǵan jerimizdiń odan ári damyp, ór­kendeýi úshin barlyq kúsh-jige­ri­mizdi salý. Biz áli jas bolǵanmen, bolashaqta árqaısysymyz «Men de óskeleń Qazaqstandy kóterýge atsalystym!» dep maqtanyshpen aıta alamyz. Nursultan MAHMETOV, Aqtóbe memlekettik pedagogıka ınstıtýtynyń stýdenti.