Qıyn da qurmetti qyzmet

Búgin – Qazaqstan Respýblıkasy Ulttyq qaýipsizdik komıteti kúni Osydan 19 jyl buryn Prezıdent Jarly­ǵymen Ulttyq qaýipsizdik komıteti quryld­y. Sodan bergi ulttyq qaýipsizdik organdary Elba­synyń turaqty qoldaýy arqasynda únemi damý ústinde keledi. Qazirgi tańda ol egemen elimizdiń qaýipsizdigin qamtamasyz ete alatyn, barlyq jaǵynan jınaqy da utqyr qurylymǵa aınaldy. UQK táýelsiz memlekettegi orny men maqsat-mindeti, atqarýy tıis isteri tolyǵymen jańartyldy. Egemendi eldiń tarıhynda tuńǵysh ret óziniń arnaýly qyzmetine arnalǵan «Ulttyq qaýipsizdik organdary týraly» Zań qabyldandy. Jeke adam, onyń konstıtýsııalyq quqyǵyn qorǵaýǵa basymdyq berildi. «Jedel izdestirý qyzmetteri týraly», «Lańkestikke qarsy kúres týraly», «Memlekettik qupııalar týra­ly» jáne basqa da zańdardyń qabyldanýy arnaýly qyzmet jumysynyń aıaǵynan tik turýyna, ózine júktelgen mindetterdi tolyǵy­men atqarýǵa yqpal jasady. Elbasy Nursultan Ábishuly Nazarbaevtyń «Barlyq qazaqstandyqtardyń ósip-órkendeýi, qaýip­sizdigi jáne ál-aýqatynyń artýy» atty Jol­daýynda: «Adamzat damýynyń búkil tarıhı táji­rıbesi memlekettiń alǵa basýy jáne turaq­ty ósýi júzege asyrylatyn qajetti sharttar­dyń bas­taýyn­da onyń ultynyń qaýipsizdigi men memle­ket­tiliginiń saqtalýyna kýá. Bostandyq pen táýelsizdikti jeńip alý jetkiliksiz, ony taban­dy túrde qorǵap, nyǵaıtyp, urpaqtarǵa qaldyrý qajet... Eger biz óz memlekettiligimizden aıyrylyp, egemendigimizdiń strategııalyq negizderin, óz jerlerimiz ben resýrstarymyzdy qoly­myzdan shyǵaryp alsaq, bizge keshirim joq», dep adamzat balasyna, órkenıetke tónetin qaýip-qaterlerdiń barly­ǵy­nyń bizge de ortaq ekendigin, elimizdiń oǵan qarsy aıanbaı kúres júrgize beretindigin jarııalap, aldaǵy baǵyt-baǵdardy aıqyn­dap berdi. Osyǵan oraı Ulttyq qaýipsizdik ko­mıtetiniń tóraǵasy Nurtaı Ábiqaev alǵa qoıyl­ǵan tapsyrmalardy laıyqty túrde júzege asyrý­da ulttyq qaýipsizdik organdarynan qashanda zor jaýapkershilik pen iskerlikti talap etetindigin basty nazarda ustap keledi. Qazirgi tańda álemdegi kez kelgen arnaýly qyzmetterdiń aldynda turǵan eń úlken mindet­terdiń biri – lańkestiktiń aldyn alý, bola qalǵan jaǵdaıda adam shyǵynynsyz toıtarys berý dep aıtsaq, qatelese qoımaspyz. Alys jáne jaqyn shetelderdegi áriptestermen birlese qımyldaý, aqparat almasý sekildi burynnan qalyptasqan úrdister jańa qalypqa kóterilip, ózara senimdilik, yntymaqtastyq turǵysynan eki jaqty, kópjaqty múddelerge saı keletin is-sharalar ótkizý, ol boıynsha qaýipsizdiktiń barlyq salasyn qamtý dástúrge aınalyp otyr. Shetelderde tamyryn jaıǵan halyqaralyq lańkestik, ekstremıstik uıymdardyń, taǵy  basqa qoǵamymyzdaǵy turaqtylyqty shaıqaýdy ańsaıtyn toptardyń jandana túsken is-qı­my­ly eriksiz alańdatady. Qashanda qaýip-qaterdiń aldyn alǵan durys. Qazaq atamyz «Saqtyqta qorlyq joq» deıdi. Qoǵammen tyǵyz baıla­nys­ta bolý, onyń mańyzdy máselelerine der kezinde qulaq túrý, múmkindiginshe túıin­delgen jáıt­terdi ońtaıly sheshý kez kelgen daǵdarystyń aldyn alýǵa kómektesetindigi sózsiz. Sonymen qatar UQK tól mindetteriniń biri – qarsy barlaý bolyp tabylady. Shetel arnaıy qyzmetteriniń memlekettik qupııalarǵa enýi, túrli sala boıynsha barlaý jasaý áreketteri eshýaqytta tolastap kórgen emes. Memleket­aralyq qatynastarǵa, dıplomatııa normalaryna nuqsan keltirmeý úshin qarsy barlaý salasyn­daǵy janqııarlyq is-qımyldar aıtylmaı da jatady. Degenmen, sátti ótkizgen is-sharalary úshin úkimettik marapattaýǵa ıe bolǵandar, Elbasynyń óz qolynan orden, medal, alǵys hat alǵan qarsy barlaýshylar komıtet quramynda jeterlik. Bul el basshylyǵynyń qarsy barlaýshylardyń kásibı biliktiligine bergen laıyqty baǵasy. Al ár qupııanyń óz ýaqyty keledi, halqymyz óz batyrlaryn sol kezde tanyp biletin bolady. Esirtkige qarsy kúres jalǵyz qazaqstandyq qoǵamnyń ǵana emes, búkil adamzat pen órke­nıettiń isine aınalyp, búgingi tańda árbir memleket buǵan óziniń hal-qaderinshe qarsy turý maqsatynda úles qosýǵa tyrysýda. Bul oraıda múddeles memleketterdiń, birinshi kezekte ózimizdi qorshap jatqan kórshiles elder­diń ar­naýly qyzmetterimen baılanysty art­tyrý kún tártibinen túsýge tıisti emes. Reseı, Qyrǵyz, О́zbekstan, Tájikstandaǵy árip­tes­termen sátti ótkizilgen is-sharalar nátı­je­sin­de birneshe transulttyq qylmystyq qaýym­dastyq pen top joıylyp, zańsyz aınalymnan júzde­gen kılogramnan astam geroın men opıým alyndy. Ekonomıkalyq qaýipsizdikti qamtamasyz etý salasy boıynsha ashylǵan qylmystardyń birsy­pyrasy sybaılas jemqorlyq kórinis­terimen baılanysty bolyp keledi. Búkilálem­dik saýda uıymyna múshelikke enýge qadam jasap jatqan tusta mundaı qylmys túrleriniń ekonomıkamyzda qylań berýi qaýipti qubylys. Munyń ishinde, ásirese, memlekettik organdar­dyń jaýapty qyzmetkerleriniń qylmystyq jolǵa túsýi alańdatady. Memlekettik shekarany kúzetý de UQK min­det­teriniń biri. Memlekettik shekara bol­ǵany­men, shekara degenimiz qashanda el taǵ­dyry, adam taǵdyry ekendigin de umytpaýymyz kerek. Qa­zaq­standyq azamattardyń aǵaıyndary kórshi­les elderde bolsa, olardyń aǵaıyndary bizde turyp jatyr. Aǵaıyndar, týystar qashanda arala­syp, quralasyp turǵylary keledi. «Bar­ma­sań, kelmeseń – jat bolasyń» deıdi. Elimizdiń Kedendik odaqqa enýi ıntegrasııalyq prosesterdi jan­dandyra tústi. Qarapaıym adamdarǵa baǵyt­tal­ǵan bul shara aldaǵy ýaqytta da jalǵasyn tabatyndyǵyna senim mol. Demek, jeke adam men azamattyń Konstıtýsııalyq quqy­ǵyn, qaýip­siz­­digin, Qazaqstan qoǵamynyń qundy­lyq­taryn, memleket turaqtylyǵy men el ty­nysh­tyǵyn qaýip-qaterlerden jan-jaqty qorǵaý jolyndaǵy qaýipsizdik organdarynyń jaýapty qyzmeti tek qana quqyqtyq sheńberde iske asyp keledi. Muhtar TURǴANBEKULY, UQK baspasóz qyzmetiniń qyzmetkeri.