Qabyldaý bólmeleriniń qyzmeti jetildiriledi

Keshe «Nur Otan» halyqtyq-demokratııalyq partııasynyń hatshysy Sergeı Gromovtyń tóraǵalyǵymen partııanyń qoǵamdyq qabyldaý bólmeleri qyzmetiniń máseleleri boıyn­sha beınekonferensııa baılanysy bolyp ótti. О́ńirlermen «on line» rejimindegi beınekonferensııa baıla­ny­sy Ádilet mınıstrliginiń Sı­týa­sııa­lyq ortalyǵynda júrgizildi. On­yń jumysyna partııanyń aı­maqtyq fılıaldary tóraǵala­ry­nyń birinshi orynbasarlary, qo­ǵamdyq qa­byldaý bólmeleriniń meń­­gerý­shi­leri jáne partııanyń Or­­talyq appa­raty qoǵamdyq qa­byldaý ból­mesiniń qyzmetkerleri qatysty. Beınekonferensııada 2011 jyl­­­dyń birinshi jartyjyl­dy­ǵynda qoǵamdyq qabyldaý bólme­leriniń qa­laı jumys atqarǵany týraly má­limet talqyǵa salyn­dy. Belgili bol­ǵandaı, sońǵy kezderi qoǵamdyq qa­byldaý ból­me­lerine degen turǵyn­dardyń naza­ry erekshe aýyp otyr. «Nur Otan» HDP Ortalyq appa­raty qoǵamdyq qa­byl­daý bólme­si­niń meńgerýshisi Jumajan Júke­nov­tiń málimetine qaraǵanda, ústi­mizdegi jyldyń jar­tyjyldyǵyn­da qoǵamdyq qabyldaý bólmelerine azamattardan 30 myńnan astam óti­nish kelip túsken. Bul byltyrǵy jyl­dyń osy merzimimen salystyr­ǵanda 1,5 myńǵa artyq. Buǵan deıingi ótinishterde tur­ǵyn úı máselesi ótkir qoıylyp kelse, atalǵan máseleni ákimdik­ter­men sheshýdiń nátıjesinde ony tómendetýge qol jetkizilipti. Kom­mýnaldyq qyzmet kórsetý má­selelerine qatysty suraqtar «Shańyraq» jobasynyń júzege asa bastaýymen óz sheshimin taba bastapty. Tipti atalǵan qyzmet oryndarynyń qyzmetkerleri óti­nish­pen kelgen turǵyndardyń má­selelerin sol mezet sheshýge ty­rysatyn kórinedi. Osy rette ja­laqylaryn ala almaı júrgender faktileriniń eki esege artyp ketýi kópshilikti alańdatyp otyrǵany partııanyń óńirlik qoǵamdyq ból­melerin beı-jaı qaldyra almaı­ty­ny belgili. Jumajan Qarken­uly osy máseleni erekshe nazarǵa alý kerektigin alǵa tartty. Bul máselede avto jáne temir jol ústindegi jyljymaly qoǵamdyq qabyldaý oryndary jaqsy ju­mystar atqaryp keledi. Jalpy, azamattardan túsken ótinishterdiń 40 paıyzy boıynsha oń sheshim qabyldanatyny erekshe atalyp ótti. Árıne, bul jaman nátıje emes. Al ótinishterdiń 30 paıyzǵa jýyǵy ártúrli keńes­ter­di qajetsinetin bolsa, 10 paıyzy elimiz zańdaryna qaıshy kelgendikten, sheshýge múmkin bolmaǵan. Mundaı jaǵdaıda partııanyń qo­ǵamdyq qa­byldaý bólmeleri máse­leniń máni­sin aıtyp, onyń sheshimi bolmaı­tyndyǵyn ashyp aıtý­lary qajet. Sondaı-aq óńirlerde ártúrli deń­geıdegi depýtattardyń atqarǵan ju­mystary erekshe atal­dy. Máse­len, Shyǵys Qazaqstan oblysynda jas mamandar proble­malaryn sheshýdiń keshendi baǵ­dar­lamasy ázir­lengen. Atalǵan óń­irde 400 ba­laǵa arnalǵan lager­diń ashylýy da sondaı nátıjeli jumystardyń biri retinde tanys­tyryldy. Tipti Oń­tústik Qazaq­stan oblysynda bir zeınetkerdi nesıe úshin zeınet­aqysynan us­tap qalamyz dep qor­qytqan faktiler kóldeneń tartyl­dy. Ol boı­ynsha «Alıans bankke» telefon soǵylyp, atalǵan másele óz sheshimin taýypty. Tıisinshe atalǵan oblysta azamattardy ju­mysqa ornalastyrý, tegin zańdyq ke­ńester berý sııaqty máseleler jolǵa qoıylǵan eken. Qorytyndysynda azamattar­dyń ótinishterin qaraý kezinde mem­lekettik organdar men depý­tattyq fraksııalardyń ózara birikken is-áreketterin jetildirý jáne halyqpen barynsha tyǵyz ju­mys júrgizýdiń jańa forma­laryn tabý máseleleri erekshe atal­dy. Qoǵamdyq qabyldaý ból­meleriniń qyzmetin odan ári jetildirý mindeti ótkir qoıyldy. Asqar TURAPBAIULY.