Qymyzhanada quda kútedi

Taldyqorǵan qalasyndaǵy kóshe boı­laryna ornalasqan ár aýdannyń qymyz­hana­lary halyqqa talǵampazdyqpen qyz­metterin usynyp keledi. Kúnniń aptabynda densaýlyqqa paıdaly ári shól basatyn ulttyq sýsyn qymyz ben shubat ádemi bezendirilgen úılerdegi dastarqan mázirinen kezdestiresiń. Adam aǵzasyndaǵy qan aınalýdy jaqsartyp, ómir súrý deńgeıin uzartatyn, kóptegen aýrýlarǵa em sýsynǵa degen suranys basym. Qymyzhanalar sany jyldan-jylǵa ósip keledi. Máselen, byltyr qala men aýdandarda 72 qymyzhana bolsa, bıyl olardyń sany 93-ke jetipti. Sondaı-aq óńirdegi qymyz­hana­lardyń sanıtarlyq tazalyǵy men qy­myz ben shubattyń sapasyn baqylaıtyn arnaıy top jumys istep keledi. Bıylǵy ótken merzimde tutynýshyǵa 192 tonna qymyz, 127 tonna shubat satylypty. Budan suranystyń edáýir óskeni baıqalady. Erekshe aıtatyn jaı qymyzhanalarǵa jastar­dyń bos ýaqytta kóp keletindigi. Qala turǵyndary Qarasaı, Sarqan, Eńbekshiqazaq, Jambyl, Alakól, Raıymbek, Ile aýdandary men Qapshaǵaı qalasy qymyzhanalarynyń qyzmeti men qymyz sapasyn joǵary baǵalap, quda kútý, súndet toı, taǵy basqa mádenı sharalardy ótkizip keledi. Qudanyń aldyna jambaspen birge jal-jaıa, qazy-qarta, qurt-irimshik qoıy­lyp, shól basatyn sary qymyzdy ulttyq kıim kıgen arýlardyń usynýynyń ózi qandaı jarasymdy deseńizshi! Kúmisjan BAIJAN, Almaty oblysy.