El júginiń qashanda salmaǵy myń

Týǵan tilim О́tken ǵasyr, О́tken ómir, Bop suraq... О́zimizshe syr shertemiz Topshylap. Otarshyldyq shyrmaýynan Shyǵa almaı, Táýelsizdik, Seni kúttik kóp shydap.   Ultymyzdyń úlesinen Qur qalyp, Shubarlandyq, Ústem bolyp bir halyq. О́z tilimiz О́zge tilge jutylyp Sorladyq ta, Boldyq solaı shyn ǵarip.   Máńgúrttiktiń Uıyǵyna batqaly Bara jatyp... Qudaı ózi saqtady! Derbes el bop Eńsemizdi kóterdik, Shýaq quıyp Azattyqtyń aq tańy.   Kúlli álemge Estirtip óz únimdi, Shúkir! Shúkir! Tilim qaıta tirildi. Aıta alamyn “Qazaqpyn!” dep aıqaılap, Aqordada Kók baıraǵym tigildi.   El-jurtynyń Uǵa alatyn muń-zaryn, Keledi ósip О́ndirdeı ul-qyzdarym. О́z tiliniń Keńeıter dep órisin, Qýanamyn, Jaryp shyqsa bir daryn.   Ǵurpym barda, Ultym barda, Tilim bar! Rýhym sodan Kúsh alaryn uǵyńdar! О́reli urpaq, О́zderińe amanat, Týǵan tildiń Týyn jyqpaı turyńdar!   Týǵan tilim, О́shpe! Máńgi tiri bol! Týǵan jurtym, Tulǵaly da iri bol! Ultty túgel Qushaǵyńa syıǵyzyp, Dúrildegen Irgeli eldiń biri bol!   Jastyqqa oda   О́rle, jastyq! О́rle sen samǵaý shyńǵa, Saǵan kúná – Ot bolyp janbaý synda! Ýyljyǵan kún nury – Kelbetińde, Ǵashyqtardyń tilegi – Bal daýysyńda! Jaına, jastyq! Jaına sen shyraılanyp, Baqyt qusy Tóbeńde shyr aınalyp, Qanatymen jebesin! Sen qulpyrsań, Quryp ketkir, Qaıǵy-muń bylaı qalyp, Shyryn dúnıe Shattyq án quraıdy anyq! Qyran qustaı Sańqyldap úniń seniń, Sóıle, jastyq! Sóıleıtin kúniń seniń. Sen bar ǵoı dep Jasytpaı kúsh-jigerin Qaırat jyıǵan boıyna Búgilse eliń. Janyń – alaý, Aldyńda – jaýapty syn. Janartaýdaı Silkingen ǵajap kúshiń. Samǵaý úshin zańǵarǵa Kúmis qanat Qazaqstan ushyrǵan azat qusy Sen bolashaq aldynda jaýaptysyń! El namysyn qorǵa sen, Er namysyn, Shartaraptan estilsin ór daýysyń! Qaına, jastyq, Dúbirlet, Kúlli ǵalam Jasyra almaı qarasyn tańdanysyn! Sen – jerimniń Jasarǵan ormanysyń! Sen – elimniń Qýatty qorǵanysyń! Jasa máńgi, jastyq shaq, Adamzattyń Shuǵyla shashqan Bolashaq tańdary úshin! Qatıra JÁLENOVA, Jazýshylar odaǵynyń múshesi. Qyzylorda qalasy.