20 myń terek jaıqalatyn bolady

Jıyrma jyl az ba, kóp pe? Ony dál búgingi Qazaqstannyń jú­rip ótken joly men ár sa­ladaǵy qol jetkizgen jetistikteri aıqyndaıdy. Sol almaǵaıyp tusta Memleket basshysynyń bastamasymen shildeı shashyl­ǵan qandastarymyz atamekenine kósh kerýenin túzegen sátten beri de eki onjyldyq artta qa­lyp­ty. Úmitterin úkilegen sol ot­ba­sy­larynda dúnıege kelgen náreste de jıyrmanyń jalyna qol salǵan. Olar elim dep emirenedi. Qazaqstannyń teń quqyly aza­maty atanyp, oqyp bilim alýda. Osyndaı qandastar qat­a­ryn­daǵy Serikbaı Maralbektiń Jetisý jerine kelgenine alty jyl. Ol babalarynyń kindik qany tamǵan atajurtqa kelisimen bel sheship eńbek etti. «Maǵan ne beresiń?» demedi. Kerisinshe, aý­yldy gúldendirýge kiristi. Bıyl merekeli jyl. Demek, oǵan úles qosý úshin «20 jyl­dyqqa – 20 myń aǵash» degen bastamamen Eńbekshiqazaq aýda­ny Qyzylsharyq aýylynda óz qarjysyna 20 myń túp kók terek ekti. Alqaptaǵy qaz-qatar otyr­ǵyzylǵan kóshetter qazir jaıqalyp tur. Aýyl ákimdigi men turǵyndar da qoldaý bildirip, kók terek otyrǵyzylǵan al­qap­­ty bolashaqta saıabaqqa aı­nal­dy­rý jóninde tujyrymǵa kelgen. Táýelsiz elimniń damýyna úle­simdi qosý azamattyq pary­zym, deıdi ol. Jaýapkershilikti túsinip, mindetimdi aýyldy kó­gal­dandyrýdan bastadym. Kezinde kúl-qoqys úıilgen aýyl shetindegi kúresindi tazartyp, qo­qystardy shyǵaryp, jerdi tegistep, 20 myń túp kók terekpen kómkerdi. Súmbiledeı túzý jas óskinderdi Qytaıdan arnaıy áke­lipti. – Otyrǵyzylǵan jas terekterdi Qytaıdan arnaıy kádimgi qol dorbaǵa salyp ákeldim. Jol­da kedenshiler toqtatyp, myna «otyndy» qaıda apara jatyr­syń, dedi. Men olarǵa elimdi gúl­dendireıin degen nıetimdi aıttym. Onda eńbegińiz jansyn degen nıetterin qosty. Myna jaıqalǵan aǵash sany 20 myńnan da kóp, – deıdi Qyzylsharyq aýy­lynyń turǵyny Serikbaı. Terekti ósirýdiń de ózindik qyr-syry bar. Máselen, qaýlaı ósken  japyraqtaryn julyp, ta­myr alýyna múmkindik berý kerek. Qytaıdan jetkizilgende birer qarys kóshetter kútip baptap, dárilegenniń arqasynda úsh jylda bıiktep, kádimgi terekke aınalypty. Jasyl jelek ja­py­raq jaıǵan. Kóleńkesi de edáýir. Balalar arasynda asyr salyp oınaýda. Qandasymyzdyń bul ıgilikti isi el táýelsizdiginiń 20 jyldyǵyna arnalǵan jeke syıy ekenin shyn nıetpen qabyldaýda. «Jalǵyz aǵash orman emes, jal­­­ǵyz adam qorǵan emes» degen ǵoı. Serikbaıdyń bastamasyn aýyl áki­mi men aýyldastary jal­ǵas­tyryp áket­­ti. О́ıtkeni, bola­shaq­ta jastar men qarttar osynda kelip, kó­leń­kesinde bos ýaqytyn ótkizip, demalsa, rı­za­shylyǵyn bildirse bu­dan artyq qýa­nysh joq. Sondaı-aq, el mereıine tar­týdy aǵash ósirýden basta­ǵa­nyn bári de nátıjeli is dep baǵalaýda. Týǵan jerdi, elimizdi kórkeıtý, sol jolda ter tógý bárimizge or­taq mindet. Serikbaıǵa rıza bo­lyp, oǵan qoldaý kórsetip, úle­si­mizdi qosaıyq dep otyrmyz, deıdi Qyzylsharyq aýylynyń turǵyny Embergen Jeksenov. Aýyl ákimdigi men kásipkerler qarap qalǵan joq. Endi olar 20 myń túp aǵash otyrǵyzylǵan jerdi saıa­­baqqa aınaldyrý úshin iske kirisken. Halyq demalatyn oryn­dyq­tar men kúnqaǵar ornatý, taǵy basqa sharalar qolǵa alynbaqshy. Táýel­siz­dik­tiń 20 jyldyǵyna  20 myń túp aǵashty bir ózi ekken Serikbaı keler jyly taǵy da os­yn­shama aǵash kó­shetterin otyrǵyzýdy josparlaǵan. Kúmisjan BAIJAN, Almaty oblysy.