Tergeý málimetinshe, 2025 jyldyń aqpan aıynda aıyptalýshy Telegram jelisinde búıregin satý týraly habarlandyrý jarııalaǵan. Keıin ol jalǵan esimdi satyp alýshymen kezdesken. Taraptar 13 mıllıon teńgege mámile jasaýǵa kelisken.
Quqyq qorǵaý organdary er adamdy 5 mıllıon teńgeni qolma-qol alý kezinde ustady.
Habarlamada aıtylǵandaı, aıyptalýshyny bul qadamǵa aýyr materıaldyq jaǵdaıy men qarjyǵa muqtajdyǵy ıtermelegen. Sol sebepti ol óz aǵzasyn satýǵa barǵan.
Oǵan Qazaqstan Respýblıkasy Qylmystyq kodeksiniń 116 jáne 24-baptary boıynsha «Tiri adamnyń aǵzalaryn transplantasııalaý nemese ózge de maqsatta zańsyz mámile jasaýǵa oqtalý» aıyby taǵyldy. Sot otyrysy barysynda er adam kinásin tolyq moıyndady.
Qylmystyń ortasha aýyrlyqtaǵy sanatqa jatatynyn jáne naqty zııan keltirilmegenin eskere otyryp, amnıstııa týraly zańǵa sáıkes ol qylmystyq jaýapkershilikten bosatylyp, is óndirisi toqtatyldy. Qaýly zańdy kúshine engen joq.
Aıta keteıik, Pavlodarda shetel azamaty búıregin 50 myń dollarǵa satpaq bolǵan.
