24 saǵat

...«Memlekettik rámizder» kompozısııasy Táýelsizdigimizdiń 20 jyl­dyǵy is-sharalary aıasynda Talshyq kentinde Memlekettik rámizderimiz – Tý, Eltańba jáne Ánurannyń naqty úlgi­leri beınelengen kompozısııa paıdala­nýǵa berildi. Onyń ashylý sal­tanatynda sóılegen sózinde aýdan ákimi Aǵzam Tastemirov Astanada elorda kú­nin merekeleý «Etnoaýyl» memorıaldyq keshenindegi Mem­lekettik Týdy saltanatty kóterýden bastala­tynyn, osy dástúrdi jalǵas­ty­rý arqyly jas urpaq boıyna otan­shyl­dyq sezimdi qalyptas­ty­rý­daǵy mán-mańyzyn aıryq­sha atap kórsetti. Ony tur­ǵy­zýǵa bıýdjetten 2,5 mıllıon teń­ge bólinip, «Art-Kókshe» JShS qurylys jumystaryn sa­paly atqaryp shyqqan. Qa­byr­­ǵa­lary jergilikti granıt tastarmen kómkerilgen keshen anadaıdan kóz tartady. Negizgi Týdyń bıiktigi – 21 metr. О́mir ESQALI, Soltústik Qazaqstan oblysy, Aqjar aýdany.   ...qıyrshyq tas zaýyty boı kóterýde Shalqar aýdany Bershúgir selolyq okrýgi Muǵaljar ta­ýynyń qoınaýyna ornalas­qan. Munda qıyrshyq tastyń mol qory bar. Okrýg aýma­ǵynda qıyrshyq tas óndiretin taǵy bir zaýyttyń qurylysy qarqyndy júrgizilýde. Ká­sip­oryn qurylysyn salyp jat­qan «Aqshat-Aqtóbe» JShS zaý­ytty osy jyldyń qyrkúı­ek aıynda paıdalanýǵa berýdi kóz­deýde. Zaýyt iske qosylǵan bas­tapqy ýaqytta seksenge jý­yq jańa jumys orny ashylady. Jumys prosesi aýysym­dyq ádispen atqarylady. Ja­ńadan ashylatyn kásiporynda jumys­shy­lar úshin barlyq jaǵdaı jasaý qarastyrylýda. Munda ja­taqhana, ashana, mon­sha jumys isteıtin bola­dy. Jumysshylar arnaýly ju­mys kıimimen jáne 50 myń teńge kóleminde eń­bek­aqymen qamtamasyz etiledi. Qıyrshyq tasty tıeıtin oryn, oǵan deıin aparatyn temirjol, avtogaraj, keńse ǵımarat­ta­ry­nyń qurylysyn da óndiristik ny­sanmen qatar aıaqtaýǵa kúsh salynýda. Jańa zaýytta jyl aıaǵyna deıin 150 myń tonna qı­yrshyq tas óndirý jos­par­la­nyp otyr. Aldaǵy jyly bir je­limen 450-500 myń tonna qıyrshyq tas óndirý kóz­delse, keıin ekinshi jeli iske qosyl­ǵanda ónim óndirý eki esege artady dep kútilýde. Satybaldy SÁÝIRBAI, Aqtóbe oblysy.   ...demalys orny ashyldy Tabıǵaty kórikti, baýraıy tarıhqa tunǵan Ulytaý óńi­ri­ne keıingi kezde jan-jaqtan saıa­­hat­shylar jıilep keledi. Osy­ǵan baılanysty olarǵa ar­naý­ly demalys úıin salý byltyr qolǵa alynǵan bola­tyn. Aýdan ortalyǵynyń irgesindegi Bolat saıynda boı kótergen 26 or­­yndyq meımanhana kesheninde ornalasyp, endi ólkedegi eski eskertkish­termen asyqpaı ta­ny­sýǵa, taýlar men orman-to­ǵaılardy ara­laýǵa bolady. On­yń qa­syn­da segiz, alty qa­nat­ty oıýly kıiz úıler de tigilgen. Týrısterdiń qalaýlaryna qa­raı birin tańdaı alady. Aıqyn NESIPBAI, Qaraǵandy oblysy.