EL IRGESI AMAN BOLSYN!

Netken jara­ty­lys, netken keremet dep tań qalatynmyn. Shynynda, qazaq­tyń asyldary bir-bir taý shy­ńyndaı edi ǵoı. Qarap otyrsam, men de solardyń jasyna jetip, tipti keıbireýinen asyp ta ketkendeımin. El gazeti atalyq jastasyz, halqyńyzǵa Jańa jylǵa oraı bataly sóz aıtsańyz dep tilek bildirgende aýzyma túsken birinshi sóz táýbe boldy. Iá, táýbe. El boldyq, etek-jeńimizdi jınadyq. Kóptiń qatarynda júrgen qazaq tórt­kúl dúnıege tanylyp, kósh basy­nan kórindi. Talaı jurttyń qabyrǵasyn qaıystyrǵan ekonomıkalyq daǵdarysty sezine qoıǵan joqpyz. Qa­shan­da qıly ke­zeńde el bas­tap shyǵatyn batyl ul kerek bolyp tura­ty­ny anyq. Osy jaǵynan kelgende Prezıdent Nursultan Nazarbaev erekshe kózge tústi. Halqyn pále-jalaǵa, qıyndyq-qyspaqqa uryn­dyrmaı, alǵa bastap keledi. Taǵy bir jetistigimiz, bıyl EQYU-ǵa tóraǵa bolatynymyz. Qazaq qaı kezde osyndaı teńdikke jetip, tórge shyǵyp, bas ustap edi? Táýbesinen jańylmaǵan, baryn baǵalap, jaqsysyn jarqyratyp kórsetetin ulttyq rýhymyzǵa qaraı mundaıda aıtylar júrek­jardy sóz – qaıyrly bolsyn! Barys jyly qashanda qazaqqa jaman bolǵan emes. El irgesi berik bolyp, jarqyraǵan mańdaıymyz ashylyp, til-kózden aýlaq bolaıyq deıik. Bıyl men de 80-ge kelip qalyppyn. Bizdiń aldy­myzda, el ishinde tilegin bildire­tin, batasyn beretin aǵalar, zamandastar az emes. Men olarǵa da sondaı jaqsylyqty tileımin. Qazir aınalamyzda kóz de kóp, sóz de kóp. Odan qorǵaıtyn da, saqtaıtyn da eldiń birligi, ultymyzdyń tatýlyǵy. Jasy­ratyn nesi bar, ótkendi kóksep, ólermendik tanytyp júrgender tóbe kórsetedi. Olarǵa tótep beretin qazaqtyń, qazaq zııalylarynyń aqyl-parasaty. Barys jyly búkil qazaqstan­dyqtarǵa, óz jurtyma barys­taı batyl, bárin aqylǵa jeń­dirip, el irgesin myqty ustaıtyn altyn dińgek bolyńyzdar de­mekpin! Dál búgin bizge keshegi Alash arystarynyń el dep emirengen erlik-eńbegi, ultym dep uıysqan, judyryq bolyp ju­mylǵan tynys-tirshiligi kerek. Osyny múltiksiz oryndasaq, alǵa qoıǵan maqsat ta, mindet te oryndalady. Barys jyly tabys jyly, bereke-birlik jyly bolsyn, aǵaıyn!