Halyqtyq IPO: Oǵan kimder qatysady?

Keshe Premer-Mınıstr Kárim Másimovtiń tóraǵalyq etýimen kezekti Úkimet otyrysy bolyp ótti. Onda Ekonomıkalyq damý jáne saýda mınıstri Qaırat Kelimbetov «Halyqtyq IRO» baǵdarlamasynyń jobasymen tanystyrdy. Ekonomıkalyq damý jáne saýda mınıstrligi baspasóz qyzmeti­niń málimetterine súıensek, bú­gin­de «Halyqtyq IRO-ǵa» «Qaz­TransOıl» AQ pen «KEGOK» AQ daıyn dep iriktelingen. IRO-ǵa úmitker kompanııalardy osy úde­riske daıyndaý negizgi 3 bólimnen turady. Atap aıtqanda, aldyn-ala daıyndyq, aksııalardy or­na­lastyrýǵa daıyndyq júrgizý, so­nymen qatar aksııalardy orna­las­tyrý sharalary belgilenip otyr. Al halyq arasynda júr­gi­zilgen saýalnama nátıjesine sáı­kes turǵyndar tarapynan aǵym­daǵy IRO-ǵa suranys 100-200 mln. AQSh dollaryna baǵa­lan­ǵan. Vedomstvo basshysynyń aı­týynsha, baǵdarlamanyń negizgi maqsaty Qazaqstan halqynyń ózderi jınaǵan qarjylaryn iri kompanııalardyń aksııalaryna ın­vestısııa retinde salyp, sol arqyly aksııalarǵa ıelik etip, jáne osy baǵdarlamany júzege asyrý arqyly Qazaqstandaǵy baǵaly qaǵazdar rynogynyń damýyn qamtamasyz etý. Munymen qosa «Samuryq-Qa­zyna» ál-aýqat qory basqarma tóraǵasynyń orynbasary Qýan­dyq Bıshimbaevtyń sózine qara­ǵanda, taldaý nátıjeleri boıyn­sha atalǵan baǵdarlamaǵa qatysý­ǵa qordyń birqatar enshiles jáne baǵynyshty uıymdary iriktelinip alynǵan. Olar birinshi kezekte aksııalardy ornalastyrýǵa daıyndyq dárejesine qaraı toptar boıynsha bólinse, birinshi top­taǵy «QazTransOıl» jáne «KEGOK» aksıonerlik qoǵam­da­ry­nyń IRO-ǵa shyǵarylý merzimi 2012 jyldyń 2-3 toqsany dep bel­gilengen. Ekinshi toptaǵy «Qaz­TransGaz», «Samuryq-Ener­go», «QazTeńizKólikFlot» aksıonerlik qoǵamdarynyń IRO-ǵa shyǵarylý merzimi 2013 jyl dep mejelenip otyr. Úshinshi toptaǵy «Qazaqstan temir joly», «Qaz­TemirTrans» aksıonerlik qoǵamdarynyń IRO-ǵa shyǵý merzimi 2014-2015 jyldar aralyǵy dep josparlanǵan. Sondaı-aq, tórtinshi toptaǵy «QazMunaıGaz» jáne «Qazatomónerkásip» aksıonerlik qoǵamdary 2015 jyldan keıin IRO-ǵa shyǵatyn bolady. О́z kezeginde Úkimet basshysy Kárim Másimov atalǵan baǵdar­la­ma aıasynda elimizdiń azamattary osy halyqtyq IRO-men barynsha qamtylýy qajet ekenin atap ótti. Premer-Mınıstr Qazaqstan hal­qynyń osy baǵdarlamaǵa qa­ty­sý­y­na barynsha múmkindik jasalýy kerektigin de nazardan tys qal­dyr­mady. Bul turǵyda K.Mási­mov, el azamattaryna aksııa­lar­dy ornalastyrýdyń qyr-syryn ba­rynsha uǵynyqty túrde tú­sindirý sharalaryn júrgizýdi tap­syrdy. Úkimet basshysynyń aıtýyna qaraǵanda, «Halyqtyq IRO» baǵ­dar­lamasynyń jobasy aldaǵy sen­bide bolatyn Úkimet otyry­syn­da qabyldanatyn bolady. Oǵan deıingi aralyqta tıisti usy­nystar jasalyp, qajetti tolyq­tyrýlar engizilmek. Sondaı-aq, Úkimet otyrysyn­da Premer-Mınıstr Kárim Má­simov Aýyl sharýashylyǵy mınıstri Asyljan Mamytbekovke «Halyqtyq IRO» baǵdarlamasyna aýyl sharýashylyǵy salasyndaǵy kompanııalardyń qatysýy máse­le­sin qarastyrýdy tapsyrdy.  Bul turǵydaǵy máselelerdi qada­ǵalaýdy K.Másimov óziniń birinshi orynbasary О́mirzaq Shókeevke júktedi. Ábdirahman QYDYRBEK.