Baǵdarlama baǵyty belgilendi

Buǵan deıin habarlaǵa­nymyz­daı, ótken seısenbi kúni Premer-Mınıstr Kárim Másimovtiń tór­aǵalyǵymen ótken kezekti Úki­met otyrysynda Ekonomıkalyq damý jáne saýda mınıstri Qaı­rat Kelimbetov «Halyqtyq IPO» baǵ­darlamasynyń jobasyn tanys­ty­ryp, onyń negizgi maqsat­tary men baǵyttaryna toqtalǵan-dy. Usynylyp otyrǵan «Halyq­tyq IRO» baǵdarlamasynyń  jobasy móldirlik, ashyqtyq já­ne barlyq qazaqstandyqtar úshin teń qoljetimdilik qaǵıdattaryn­da júzege asyrýdy kózdeıdi, dedi mınıstr óz baıandamasynda. Baǵ­darlamanyń negizgi maqsattary Elbasynyń aǵymdaǵy jyldyń aqpanynda ótken «Nur Otan» HDP-nyń HIII sezindegi tapsyr­malaryna sáıkes aıqyndalǵan. Qazaqstandyqtarǵa ózderiniń uzaq ýaqyt jınaǵan qoryn ınves­tı­sııa­laý arqyly iri kompa­nııalardyń aksııalaryna ıelik etý múmkindi­giniń berilýi, ekinshi jaǵynan, eli­mizdegi baǵaly qa­ǵazdar ryno­gynyń damýyna jaǵdaılar ja­samaq. Aksııalar ba­ǵa­larynyń sha­madan tys óz­ger­meli bol­maý­yn nemese eleýli túrde túsip ketpeýin eskere kelgende, baǵ­dar­lamaǵa barynsha turaqty jáne álem­dik shıkizat baǵasy konıýnk­týrasyna neǵurlym táýeldi emes kompanııalar iriktelip alyn­baq. So­nymen qa­tar, kásipqoı jáne uzaq merzimdi ınvestorlar retinde zeı­netaqy qor­la­ryn tartý aksııalar baǵa­lary­nyń ózgermeli­ligin tómendetý tur­ǵysynda erek­­­she ról atqaratyn bolady. Alǵashqy IRO-ǵa ınfra­qury­lymdary tolyq da­ıyn­dyq­qa keltirilý arqyly «Qazaq­stan qor bırjasy» AQ, brokerlik kompanııalar, transfer-agentter, «Ba­ǵa­ly qaǵazdardyń ortalyq depozıtarııi» AQ jáne tirkeýshiler qundy qaǵazdar rynogynyń negizgi qatysýshylary bolýy tıis. «Halyqtyq IPO» baǵdarlama­synyń júzege asýy birneshe jyl­dar satylap júrgiziledi jáne kóp­tegen kompanııalar jumyldy­rylady. «Halyqtyq IPO» baǵ­darlamasy aıasynda aksııalardy ornalastyrýdyń maqsatty ındıkatıvtik úlesi 5 paıyzdan 15 paıyzǵa deıingi aralyqty qurasa, aksııalardyń naqty sanyn kom­panııalardyń negizdelgen usy­nysy boıynsha qordyń dırektor­lary keńesi anyqtaıdy. Baǵdarlamaǵa qatysatyn kompanııalar kandıdatýralaryn irikteý 3 kezeńde atqarylady. Kan­dıdat-kompanııalardy baǵalaý júıe­si obektıvti ólshemderge negizdelgen. Halyqty «Halyqtyq IRO» baǵdarlamasyn iske asyrý úderisine tartýdyń negizgi tetigi úmitker kompanııalardyń aksııa­la­ryn satyp alý jáne ustaý kezinde jeke ınvestorlar úshin yn­talandyrý men kótermeleý júıe­sin jasaý bolady dep boljanǵan. Álemde keńinen qoldanylatyn jekelengen suranysty yntalan­dy­rýdyń barynsha keń taraǵan ádisteriniń biri retinde aksııa­lardy satyp alýdy yntalandyrý men dıskont (jeńildikter) berý, sondaı-aq aksııalardy ınvestorlar tobynyń arasynda qaıta bó­lý jáne brokerlik qyzmet kórse­týge jeńildik tarıfterin qol­danýǵa bolady. Atalǵan baǵdarlamany ta­bys­ty iske asyrý úshin baǵaly qaǵazdar rynogynyń ınfraqu­rylymyn qajetti resýrstarmen qamtamasyz etý qajet bolsa, bul klıent tapsyrystaryn dál jáne ýaqtyly oryndaýdy qam­­tamasyz etpek. Atap aıtqanda, ortalyq depozıtarıılik qyz­met­ti avto­mattandyrý, baǵdar­la­ma­lyq jú­ıelerdiń senimdiligin jaq­sar­týdaǵy ózara is-qımyldy jolǵa qoıý bóliginde jetildirýdi qajet etedi. «Samuryq-Qazyna» AQ shottar ashý jáne ornalastyrý sá­tinde tranzaksııalar júrgizý jónindegi jeńildikti nemese tegin qyzmetterdi qamtamasyz etý úshin jeke tulǵalarǵa qyzmet kórsetý boıynsha brokerlerdiń shyǵystaryn óteý jónindegi sha­ralardy usynady dep jos­par­lanǵan. Bul baǵdarlama qor rynogy qyzmetiniń tetikteri men aksııalardaǵy, ınvestısııalaý stra­tegııalaryndaǵy ózge de ınvestısııa berýmen baıla­nysty táýekelder týraly bilimderin arttyrý, aqparattandyrý úshin halyqtyń eń kóp sanyn qamtýdy kózdeıdi. Alǵashqy kezektegi min­det halyq tarapynan qor rynogyndaǵy baǵaly qaǵaz­darǵa ınvestısııalaý mádenıe­tin art­ty­rýǵa múmkindik beretin bilim berý naýqanyn júrgizý bolyp tabylady. Qor kompanııalary tobynyń aksııalaryn alǵa bastyrý úshin BAQ-ta jarııalanymdardy já­ne habarlaýdyń ózge ádisterin jú­zege asyrý jolymen áleýetti emıtentter, halyqtyń bastapqy ornalastyrýǵa qatysý shart­tary men tártibi týraly habar­laýǵa baǵyttalǵan marketıngtik naý­qan júrgiziletin bolady. Ábdirahman QYDYRBEK.