Zertteý qorytyndysyna sáıkes, esepti kezeńde kóptegen salada daıyn ónimge degen suranys artqan. Al 2026 jyldyń I toqsanynda kásiporyndardyń basym bóligi óz ónimderine suranys odan ári ósedi dep kútedi.
Baǵa dınamıkasyna kelsek, IV toqsanda daıyn ónimniń, sondaı-aq shıkizat pen materıaldardyń baǵasy birqatar salada báseńdegen. 2026 jyldyń alǵashqy toqsanynda da salalardyń edáýir bóliginde baǵa ósiminiń baıaýlaýy boljanyp otyr.
Sonymen qatar, 2025 jylǵy IV toqsanda birneshe salada óndiris kóleminiń ulǵaıǵany tirkelgen. Aldaǵy toqsanda barlyq derlik sektor kásiporyndary shyǵarylym kólemi arta túsetinine senim bildirip jatyr.
Sarapshy: Qazaqstan О́zbekstanǵa qaraǵanda daıyn ónimdi kóbirek óndiredi
О́ndiristik qýattardy paıdalaný deńgeıi kólik jáne qoımalaý, óńdeý ónerkásibi men qurylys salalarynda artqan. Bul kórsetkishtiń eń joǵary deńgeıi taý-ken óndirý ónerkásibinde saqtalyp otyr. Esepti kezeńde eń tabysty sala retinde de taý-ken óndirisi ataldy.
Aıta keteıik, saýalnamaǵa taý-ken óndirý jáne óńdeý ónerkásibi, qurylys, saýda, aýyl sharýashylyǵy, kólik jáne qoımalaý salalaryndaǵy jalpy sany 2,7 myńnan astam kásiporyn qatysqan.
