«Katonqaraǵaıdyń dastarqanynan jármeńkege kelgen jurttyń barlyǵy dám tatty. Sonymen qatar, qala turǵyndary arasynda alty qutydaǵy 5 lıtrlik kúnbaǵys maıyn kóterýden saıys uıymdastyrdyq. Aýdan mektepteri janyndaǵy saıajaılarda oqýshylardyń óz qolymen ósirgen baý-baqsha ónimderi de saýdaǵa shyǵaryldy», deıdi Katonqaraǵaı aýdandyq ishki saıasat bólimi basshysynyń mindetin atqarýshy Janar Qanafına.
Jármeńkede aýdan brendteriniń biri sanalatyn bal ónimderine suranys erekshe boldy. Aýdan ákimi Ahmetqalı Nurǵojın byltyr «Katonqaraǵaı shárbaty» dep atalatyn aýylsharýashylyq óndiristik kooperatıvi qurylyp, oǵan aýdandaǵy 30 omartashynyń birikkenin, búginde bal ónimderin Qytaıǵa eksportqa shyǵarý maqsatynda tıisti jumystardyń júrgizilip jatqanyn aıtty.
Bir mysal aıtaıyn, Jańa Zelandııanyń balynyń bir kelisi 5 myń dollar turady. Kórdińizder me, olar brend deńgeıine deıin kótergen. Álgi baldyń dámin tatyp kórdim, bizdiń Katonqaraǵaıdyń baly odan áldeqaıda artyq. Sondyqtan, biz baldy jańa tehnologııalarmen óndirýge tezdetip kóshýimiz kerek», deıdi oblystyq máslıhattyń depýtaty Ulyqbek Tumashınov.
Azamat QASYM,
«Egemen Qazaqstan»
О́SKEMEN
Sýretti túsirgen
Ǵylymbek SÁBITOV
