Bereke bastaýy – belsendilik

Qorǵanys mınıstrliginde vedomstvo basshysy Ádilbek Jaqsybekovtiń tór­aǵalyq etýimen mınıstrliktiń alqa otyrysy bolyp ótti. Kún tártibine sáıkes Qazaqstan Qarýly Kúshteriniń sapa kórsetkishterine baılanysty bir­qatar máseleler qaraldy. Qatysýshylar áskerı tártip pen quqyq qorǵaý jaǵ­daıyn, sondaı-aq Qarýly Kúshter ınfraqury­lym­darynyń qysqa ázirligin talqylady. – Qorǵanys mınıstrligi qyzmetin­degi uıymdastyrý máselelerine el basshy­lyǵy basa nazar aýdaryp keledi. Qarýly Kúshterdiń ómir tynysyndaǵy barlyq baǵyttar boıynsha uzaq merzimdi strategııalyq sheshimder qabyl­danýda, – dep atap ótti óz sózinde Qor­ǵanys mınıstri Ádilbek Jaqsybekov. – Osyǵan baılanysty jáne Áskerı dok­trınaǵa sáıkes, sondaı-aq Memleket bas­shy­synyń nusqaýymen ótkizilgen sharalar bizden, Qarýly Kúshterden bo­lashaqta jaýyngerlik ázirlik deńgeıin kóterý úshin júıeli taldaý jasaýdy jáne tıimdi shara qabyldaýdy talap etedi. Kún tártibindegi – Qarýly Kúshter ınfraqurylymynyń qysqy kezeńge ázirligi týraly ekinshi másele de mańyzdy boldy. Oksana PARPÝRA, Qorǵanys mınıstrligi baspasóz qyzmetiniń qyzmetkeri.