GAITI ESEŃGIREP QALDY

Batys jartyshardaǵy asa shaǵyn jáne óte kedeı mem­le­ket – Gaıtıde sumdyq jer silkinisi boldy. Úsh ret tirkelgen dúmpýdiń alǵashqysy – 7, sońǵy ekeýi 5,5 balldy qurady. Alǵashqy dúmpýdiń epısentri el astanasy Port-o-Prens qalasynan 16 shaqyrym jerde boldy. Zilzala zar­da­p­tary áli tolyq anyqtalmaǵandyqtan, naqty qansha adam opat bolǵanyn tap basyp aıtý qıyn. Prezıdent sa­raıy, ákimshilik ǵımarattar, júzdegen turǵyn úıler, mek­tepter, aýrýhanalar, shirkeýler, túrme, polısııa ýchaskeleri – bár-bári qıraǵan. Keıbiriniń ornynda topyraq úıindisi ǵana bar. Qansyraǵan jaraly jandar áli tolyq kómek ala almaı, máıittermen qatar kóshelerde jatyr. Kóptegen BAQ-tar opat bolǵandar sany 500 myńǵa deıin jetýi yqtımal degen boljamdar aıtýda. Kóz kórgender árbir úshinshi úı qıraǵan deıdi. Prezıdenttiń óz úıi de, qyzmet saraıy da qıraǵan­dyqtan, ol kórshiles Domınıkan Respýblıkasyn baryp panalaǵan. Eki el sońǵy jyldary bir-birine alakóz bolyp kelse de, Domınıkan Respýblıkasy kórshisine eń birinshi bolyp kómekke keldi. BUU-nyń mıssııasy turǵan úı de tolyǵymen qıraǵan, qazirdiń ózinde 16 qyzmetkerdiń qaza bolǵany, 56-synyń jaralanǵany belgili bolyp otyr, al 150 adam habar-osharsyz joǵalǵandar sapynda. Búgingi kúnderi AQSh, Eýroodaq, Reseı Federasııasy jáne t.b. elder Gaıtıge kómek qolyn sozýda. Búkilálemdik bank 100 mln. AQSh dollary kóleminde grant bóletinin málim etti...