Foto: Depositphotos
«QazAvtoJol» ulttyq kompanııasynyń málimetinshe, 2026 jylǵy 2 aqpan saǵat 08:00-degi jaǵdaı boıynsha respýblıkalyq mańyzy bar avtojoldardyń kelesi ýchaskelerinde kóliktiń barlyq túri úshin qozǵalysqa shekteý engizildi:
Batys Qazaqstan oblysy
- «Aqtóbe – Oral – RF shekarasy» avtojolynyń 273–393 km aralyǵy (Barbastaý aýyly – Jympıty aýyly ýchaskesi);
- «Atyraý – Oral» avtojolynyń 371–492 km aralyǵy (Chapaevo aýyly – Oral qalasy ýchaskesi).
Qyzylorda oblysy
- «RF shekarasy – Martýk – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1522–1806 km aralyǵy (№99 stansııadan Qyzylorda qalasyna deıin).
Joldardyń ashylý ýaqyty aldyn ala 2026 jylǵy 2 aqpan saǵat 12:00 dep josparlanyp otyr.
«Úsharal – Dostyq» joly jabyldy: Qozǵalys qashan jandanady?
Pavlodar oblysy
Kólik aıryǵynyń aralyq qurylymynyń zaqymdanýyna baılanysty «Astana – Shiderti – Pavlodar – Ýspenka – RF shekarasy» avtojolynda («Qalqaman» aıryǵy – Qalqaman aýylyna kireberis jáne Astana baǵytyna shyǵar jolda ýchaskesi) kóliktiń barlyq túri úshin ýaqytsha qozǵalysqa shekteý engizildi.
Sondaı-aq Shyǵys Qazaqstan oblysynda aýyr taýly jaǵdaılarǵa baılanysty 2024-2025 jyldardyń qysqy kezeńinde Osınov asýynda júk kólikteriniń tirkememen jáne jartylaı tirkememen qozǵalysyna shekteý qoıyldy. Shekteý 46–66 km aralyǵynda (Severnyı aýylyna burylys – Serebrıansk qalasyna burylys) qoldanylady.
