Jedel is-sharalardyń júrgizilýine qaladaǵy mekemelerdiń birinde jasalǵan uıaly telefon urlyǵy sebep bolǵan. Tergeý barysynda kúdiktiniń qolynan urlanǵan bir smartfon, sondaı-aq ártúrli markaly 30 uıaly telefon men eki planshet tárkilendi.
Qazirgi ýaqytta atalǵan tehnıkalardyń shyǵý tegi anyqtalyp jatyr.
Atalǵan derek boıynsha qylmystyq jolmen alynǵan múlikti bile tura satyp alý belgilerimen sotqa deıingi tergep-tekserý bastaldy. Kúdikti ýaqytsha ustaý ızolıatoryna qamaldy.
Pavlodar oblysynda mal urlyǵymen aınalysqan qylmystyq top ustaldy
Qazirgi tańda polısııa qyzmetkerleri tárkilengen tehnıkanyń zańdy ıelerin anyqtaý, sondaı-aq ustalǵan azamattyń múliktik sıpattaǵy ózge de qylmystarǵa qatystylyǵyn tekserý baǵytynda jedel-tergeý is-sharalarynyń keshenin júrgizip jatyr.
Almaty qalasy polısııa departamenti krımınaldyq polısııa basqarmasynyń bastyǵy Ashat Daýletııarovtyń aıtýynsha, urlanǵan múlikti satyp alý – múliktik qylmystar tizbegindegi negizgi býyndardyń biri.
«Mundaı «deldaldardyń» bolýy urlyq faktileriniń kóbeıýine tikeleı áser etedi. Sondyqtan zańsyz satyp alýshylardy anyqtaý jáne olardyń qyzmetin toqtatý jumystary turaqty túrde júrgiziledi. Tárkilengen barlyq mobıldi qurylǵylar tekserilip, zańdy ıeleri mindetti túrde anyqtalady», deıdi ol.
Azamattardy avtonesıe rásimdeýge májbúrlegen qylmystyq top ustaldy
