Vedomstvo málimetinshe, 2026 jyldyń naýryz aıynan beri Grýzııa aýmaǵynda Qazaqstan quqyq qorǵaý organdary izdegen 15 adam qolǵa túsken.
Tergeý nusqasy boıynsha, kúdikti er adam 2023 jyldyń qazanynan 2024 jyldyń aqpanyna deıin sybaılastarymen birge Almaty oblysy aýmaǵynda ornalasqan jasyryn zerthanada mefedron óndirisin uıymdastyryp, hımık qyzmetin atqarǵan.
Onyń jubaıy da Tbılısıde ustalǵan. Tergeý deregine sáıkes, áıel adam zańsyz esirtki óndirisiniń qarjylyq operasııalaryna jaýap bergen. Bul qyzmet Almaty oblysy men Qaraǵandy oblysy aýmaǵynda júrgizilgen.
Asa iri mólsherde qarajat jymqyrǵan Qazaqstan azamaty Grýzııadan ekstradısııalandy.
Qazirgi ýaqytta ustalǵandardy Qazaqstanǵa ekstradısııalaý máselesi qarastyrylyp jatyr.
Aıta keteıik, buǵan deıin Qazaqstannyń ishki ister mınıstri Erjan Sádenov Tbılısıge jumys saparymen barǵan bolatyn. Sapar barysynda ol Grýzııa IIM basshysy Sýlhan Tamazashvılı jáne Grýzııa premer-mınıstri Iraklıı Kobahıdzemen kezdesken.
Kelissózder barysynda taraptar uıymdasqan qylmys, esirtki saýdasy, zańsyz kóshi-qon, halyqaralyq izdeý jáne kıberalaıaqtyqpen kúres máselelerin talqylady.
