Bes juldyzdy «Almaty» shıpajaıy Qazaqstan Respýblıkasy Táýelsizdiginiń 25 jyldyǵyna oraı jáne «Almaty» shıpajaıynyń qurylǵanyna 50 jyl tolý mereıtoıy qarsańynda «О́z elińde demal, óz jerińde em al!» atty respýblıkalyq jyr músháırasyn jarııalaǵan bolatyn. Búgin saıystyń qorytyndysy shyǵyp, júldegerler marapattaldy.
Elimizge belgili aqyndar qazylyq jasaǵan jyr saıysynda birinshi oryndy Serik Qalıev ıelendi («Almaty» shıpajaıyna 10 kúndik joldama LUX), ekinshi orynǵa - Qýanysh Qolqaev, Oljas Qasym laıyq dep tanyldy («Almaty» shıpajaıyna 10 kúndik joldama STD). Úshinshi oryn Aıdana Segizbaeva, Baýyrjan Álqoja, Naýryzbek Sarshaevqa buıyrdy ( «Almaty» shıpajaıyna 7 kúndik joldama STD). Raýan Qaıdar men Qazbek Baıjumanǵa arnaıy júlde berilip, olar 7 kúnge standart nómirde demalýǵa joldama aldy. Manas Qaıyrtaı, Aslan Tilegenov, Saılaýbaı Toılybaev, Ulmeken Lesbekova yntalandyrý syılyǵyn aldy.
«Músháıranyń maqsaty - Qazaqstan Respýblıkasynyń táýelsizdik jyldaryndaǵy jetistikterin nasıhattaý, otandyq týrızmniń damýyna yqpal etý, «Almaty» shıpajaıynyń qol jetkizgen tabystaryn halyqqa pash etý, daryndy aqyndardyń shyǵarmashylyq qabiletin ushtaý bolyp tabylady», deıdi sharany uıymdastyrýshylar.
