Táýelsizdik merekesine oraı QazUÝ-da Ál-Farabı alańy ashyldy

Qazaq Ulttyq Ýnıversıtetinde Ál-Farabı alańy ashyldy. Bul saltanatty shara Qazaqstan Respýblıkasynyń 25-jyldyq Táýelsizdigine arnaldy, dep habarlaıdy atalǵan ýnıversıtettiń baspasóz qyzmeti. Alańnyń tusaýkeser rásimine ýnıversıtet stýdentteri, qyzmetkerleri men oqytýshylary qatysty. Basty sózdi alǵan QazUÝ rektory, akademık Ǵalym Mutanov bul shara jańa oqý jylynyń basynda QazUÝ-dyń kampýsynda ashylǵan stýdentter men túlekterdiń trıýmfaldy arkasynyń jalǵasy bolyp tabylatyndyǵyn atap ótti. Sáýlettik arhıtektýralyq ıdeıa boıynsha qalanyӊ aıshyqty belgisine aınalǵan Trıýmfaldy qaqpasynan keıingi týra jol Ál-Farabı alańyna ákeledi. Tórt jaqtan jarqyraǵan alań ǵylym men bilimge qushtar jastardyń sımvolyn bildiredi. QazUÝ basshylyǵy men ujymy barsha qaýymdy Qazaqstan Táýelsizdiginiń 25 jyldyǵymen jáne Ál-Farabı alańynyń ashylýymen quttyqtap, alda úlken jetistikter men tabystarǵa jetýlerine izgi tilekterin bilidirdi. Aýqymdy shara keshi QazUÝ-dyń kórkemónerpazdary daıyndaǵan konsertimen aıaqtaldy.