Ortalyq ujymy jańa Konstıtýsııa jobasynyń negizgi qaǵıdattaryn taldap, bilim berý salasynyń qazaqstandyq qoǵam ómirindegi negizgi róline erekshe nazar aýdardy.
Usynylǵan jobanyń basty ereksheligi – bilim berý qundylyqtaryn tikeleı Negizgi Zańnyń kirispesine engizilýi. Ortalyq basshylyǵy bul qadam bilim berýdiń rólin kúsheıtýdiń jáne ulttyq órleýdiń basty quraly retinde tanylýynyń aıqyn dáleli ekenin atap ótti.
«Sapaly bilim berý qundylyǵynyń kirispeden bastap konstıtýsııalyq deńgeıde moıyndalýy – bul qoǵamǵa berilgen mańyzdy belgi. Bul bizdiń Ortalyq úshin analıtıkanyń jańa standarttaryna kóshýdi bildiredi. Endi bizdiń nazarymyzda jaı ǵana statıstıka emes, bilim sapasynyń naqty kórsetkishteri men árbir bilim alýshynyń damý deńgeıi bolady», dep atap ótti «Taldaý» UZBBO AQ basshylyǵy.
Talqylaý barysynda memleket qyzmetiniń strategııalyq baǵyty retinde adamı kapıtaldy damytý máselelerine basymdyq berildi.
Ortalyq sarapshylary jańa Konstıtýsııa jobasy turǵysynan alǵanda, bilim berý tulǵanyń básekege qabilettiligin aıqyndaıtyn negizgi faktor ekenin aıtty. Bul Ortalyqtyń bilim berý jetistikterin monıtorıngileý jáne baǵalaý jónindegi mindetterimen tikeleı úndesedi.
Sonymen qatar, zııatkerlik menshiktiń (tarıhta alǵash ret) konstıtýsııalyq deńgeıde bekitilýi zertteýshiler men jas ǵalymdardyń quqyqtyq qaýipsizdigin qamtamasyz etedi.
Keńes barysynda jańa konstıtýsııalyq blok – sıfrlyq ortadaǵy derbes derekterdi qorǵaý máselesine erekshe kóńil bólindi. Bilim berý prosesin jappaı sıfrlandyrý jaǵdaıynda bul másele ózekti strategııalyq mańyzǵa ıe.
Qatysýshylar sıfrlyq keńistiktegi jeke ómirge qolsuǵylmaýshylyqtyń konstıtýsııalyq kepildikterin talqylady.
Mıllıondaǵan qatysýshylardyń derekterimen jumys isteıtin «Taldaý» ortalyǵy úshin derbes derekterdi qorǵaý rejımin kúsheıtý – zertteýler barysynda kıberqaýipsizdiktiń ozyq ádisterin jáne derekterdi depersonızasııalaýdy (ıesizdendirýdi) engizýge qosymsha serpin beredi.
Budan bólek, jıynda memlekettik basqarý modelin túbegeıli transformasııalaýǵa baǵyttalǵan erejeler talqylandy: zań shyǵarýshy bılik tarmaǵyn qaıta jańǵyrtyp, ony Quryltaı retinde qaıta qurý, Vıse-prezıdent ınstıtýtyn engizý, sondaı-aq bılik pen halyq arasyndaǵy tikeleı dıalog quraly retinde Qazaqstan Halyq keńesin qurý máseleleri qaraldy.
Kezdesý sońynda «Taldaý» UZBBO AQ ujymy konstıtýsııalyq reformany qoldaıtynyn bildirip, jańartylǵan Negizgi Zań jahandyq syn-qaterler kezeńinde árbir qazaqstandyqtyń áleýetin iske asyrýǵa berik irgetas bolatynyna senim bildirdi.
