Másele Soltústik Qazaqstan, Aqmola, Qaraǵandy, Shyǵys Qazaqstan oblystary men Abaı oblysyndaǵy eldi mekender týraly bolyp otyr.
«Byltyrǵydaı «Qazgıdromettiń» boljam derekteri negizinde Tasqyn aqparattyq júıeleri men Sý resýrstary jáne ırrıgasııa mınıstrliginiń Talsim-NG baǵdarlamalyq jasaqtamasy arqyly sý tasqyny kezeńine yqtımal qaýipterdi modeldeý jumystary jalǵasyp eatyr. Qazirgi ýaqytta atalǵan aqparattyq júıeler 30 eldi meken úshin yqtımal qaýipterdi modeldedi», dep túsindirdi Júnisbekov OKQ-daǵy brıfıng barysynda.
Sondaı-aq komıtet tóraǵasy TJM kúsh pen quraldar rezervi turaqty daıyndyqta ekenin aıtty, bul 930 adam, ártúrli maqsattaǵy 113 tehnıka, 99 sý sorǵysh jáne 35 júzý quraly.
«Qajet bolǵan jaǵdaıda, algorıtmge sáıkes TJM avıasııasy, Ulttyq ulan, Qorǵanys mınıstrligi, Ulttyq qaýipsizdik komıtetiniń bólimsheleri men «Qazaqstan temir joly» temirjol kóligin tartylady», dep qorytyndylady Serik Júnisbekov.
Eske salaıyq, 5 naýryzda premer-mınıstr Oljas Bektenov ákimderge bir apta ishinde sý tasqyny táýekelderin zerttep, qajetti sharalardy qabyldaýdy jáne jergilikti jerlerge baryp tekserýdi tapsyrǵan edi.
Qazaqstan joldarynda sý tasqyny qaýpi bar 200-den astam ýchaske anyqtaldy
