Búgin Memleket basshysy Nursultan Nazarbaev Təýelsizdiktiń 25 jyldyǵyna oraı Astanada jańa 25 qyrly monýmentti ashty.
Jańa monýment 2017 jyly Astanada ótetin Ekspo kórmesiniń aýmaǵynda ornalasqan. «Búgin – 16 jeltoqsan, dəl Təýelsizdik kúni. Osydan 25 jyl buryn, 16 jeltoqsan kúni Almatyda tuńǵysh ret Təýelsizdigimizdi jarııalaǵan edik. Sodan beri 25 jyl ótti. Kesheden beri estidińizder, kórdińizder, bolǵan sharalardyń barlyǵyn elimizge jarııa ettik. Al endi búgin sýyqqa qaramaı, Astanamyzda taǵy bir monýment ashaıyq dep otyrmyz», – degen Prezıdent Qazaqstan men Astanadaǵy monýmentter jylnamasyna toqtaldy.
«Astanany Aqmolaǵa kóshirgen kezde eń aldymen eski qaladaǵy alańdy ıgerdik. Odan keıin sol jaǵalaýǵa qala salyp, əli kúnge deıin qalanyń sımvoly bolyp kele jatqan "Bəıterek" monýmentin saldyq. "Bəıterekten" keıin, "Qazaq eli" degen monýment ashtyq. Təýelsizdiktiń 20 jyldyǵynda "Məńgilik el" degen trımfýaldy arqany ashtyq. Təýelsizdikke bes jyl tolǵanda Almatydaǵy alańda Təýelsizdik monýmentin ashqan edik. Al mine, 25 jyldyqta halyqtyń esinde qalsyn dep, osy monýmentti ornattyq. Bul monýmenttiń 25 qyry bar. Ər qyrynda ər jyldaǵy istelgen sharýa jasalǵan", – dedi saltanatty sharada Qazaqstan Prezıdenti.
