Búkilálemdik boks keńesiniń konvensııasy Astanada ótedi

Búkilálemdik boks keńesiniń (WBC) kelesi jylǵy konvensııasy Astana qalasynda ótedi, dep xabarlaıdy QazAqparat. «Qazaqstan, 2017 jylda kóriskenshe. WBC jyl saıynǵy 55-shi konvensııasy», - delingen uıymnyń Tvıtterdegi resmı paraqshasynda. AQSh-tyń Florıda shtatynda ótken Búkilálemdik boks keńesiniń 54-shi konvensııasynda Astana qalasy kezekti otyrystyń qalasy retinde tanystyrylǵan bolatyn. Konvensııany EKSPO-2017 kórmesi aıasynda ótkizý josparlanǵan. Aıta keteıik, Búkilálemdik boks keńesiniń (WBC) konvensııasy jyl saıyn ótip turady. Oǵan atalǵan keńestiń chempıondary men álemdik boks juldyzdary qatysady. Sol jerde jyldyń úzdik boksshylary marapattalady. Máselen, bıylǵy konvensııada WBA (Super), IBO, WBC jáne IBF boıynsha orta salmaqtaǵy álem chempıony Gennadıı Golovkın Kell Brýkpen ótkizgen jekpe-jegi úshin arnaıy syılyqqa ıe bolyp, eń domınantty boksshy retinde tanyldy. Budan bólek, onyń esimi Gınnestiń rekordtar kitabyna jazyldy. Golovkın osy marapatqa eń úzdik nokaýter retinde ıe bolyp otyr.   GGG-men birge uıymnyń saltanatty jıynyna Mıgel Kotto, Roman Gonsales, Vıtalıı Klıchko, kishi Roı Djons, Evander Holıfıld sııaqty uıymnyń chempıondary men boks juldyzdary qatysty.