Qostanaıda Máýlit-shárıf merekesi ótti

Qostanaı qalalyq meshitinde Muhammed Mustafa paıǵambarymyzǵa arnalǵan máýlit-shárıf merekesi ótti.  Paıǵambarǵa salaýat pen sálemdi arab jáne qazaq tilderinde meshit ımamy men shákirtter oryndady.  Merekede belgili aqyn, jýrnalıst-pýblısıst Aqylbek Shaıahmet jınalǵan jamaǵatty Paıǵambarymyzdyń (s.ǵ.s) týǵan aıy—máýlit merekesimen quttyqtap, jyly lebizin bildirdi, jyr shýmaqtaryn arnady. Munan keıin Qostanaı qalalyq meshitiniń naıb-ımamy Dúısen Daıyr Paıǵambarymyzdyń (s.ǵ.s) ónegeli ómiri men taǵylymdy taǵdyrynan ǵıbratty nasıhat aıtty. Qostanaı oblysy boıynsha uıymdastyrylǵan  Qostanaı qalalyq meshitinde ashylǵan eki aılyq saýat ashý kýrsynda oqyp jatqan Qytaıbekov Bolatbaı  esimdi shákirt Ábýbákir Kerderiniń «Nasıhat-tolǵaý» atty termesin oryndady. Qasıetti máýlit-shárıf merekelik asyna Qostanaı qalasynyń turǵyny Oral Tańjaryqov demeýshilik kórsetti. Mereke sońynda Qostanaı qalalyq meshitiniń bas ımamy Shoqan Ámirhanov jamaǵatty merekemen quttyqtap, meshittegi tárbıelik mańyzy zor taǵylymdy isterge atsylysyp júrgen azamattarǵa alǵys aıtty. Názıra Járimbetova, «Egemen Qazaqstan». Qostanaı