Túrkııalyq týystar tájirıbesi

Túbi bir týysqan túrik juraǵatynyń Qazaqstanǵa yqylas-peıili erekshe. Olar jyl saıyn Túrkistandaǵy Halyqaralyq Qazaq-túrik ýnıversıtetindegi emhanaǵa kelip, Qazaqstanda ázirge múmkindigi shekteýli otalar jasap qaıtatyn. Bul joly Túrkııadan arnaıy kelgen dárigerler delegasııasy oblys basshysy Janseıit Túımebaevpen kez­desip, jumys barysy jaıly áń­gi­melesti. Jas balalarǵa kórseti­le­tin medı­sınalyq kómektiń sapa­syn jaq­sartý, náresteler ólim-jiti­min tómen­detý maqsatyndaǵy táji­rı­be­si­men bólisýge kelgen jumys to­by­na Túrkııa úkimeti janyndaǵy Yn­­ty­maqtastyq jáne úılestirý jó­­nin­­degi agenttik uıytqy bolǵan. Del­e­­ga­­­sııa­ny agenttiktiń oqý bólimi­niń bas­tyǵy Mýstafa Hasım bastap keldi. Ekijaqty kezdesýde taraptar baýyrlas qos memlekettiń qarym-qatynasy men birlesken jobalar jaıyn sóz etip, jańadan bastalatyn sheberlik sabaǵynyń naqty mindetteri boıynsha áńgimelesti. Túrkııadan kelgen mamandar oblystaǵy balalar men bosanatyn áıelderge medısınalyq kómek kórsetý qyzmetiniń dáriger­lerine – neonatologtarǵa, oftalmo­logtar­ǵa, pedıatrlarǵa, akýsher ma­mandarǵa, neonataldyq meıir­bı­kelerge teorııalyq jáne prak­tıkalyq dárister oqyp, bilik­ti­ligin joǵarylatý boıynsha ar­na­ıy oqytý kýrsynan ótkizedi. Ob­lys­tyq balalar klınıkalyq aýrý­ha­nasynyń halyqaralyq tehnologııalar ortalyǵynyń bazasynda ótetin sharada jańa týǵan balalarda kezdesetin túrli syrqattar kezinde tıimdi reanımasııalyq kómekti sapaly júrgize bilýge, naýqas jáne deni saý jańa týǵan balalarǵa mamandandyrylǵan kútim jasaýǵa, jas sábılerdiń kórý qabiletiniń tómendigin ýaqtyly anyqtaýǵa oqytý baǵdarlamalary josparlanǵan. Sonymen qatar, medısına qyzmetkerleri jańa týǵan balalarǵa reanımasııalyq kómek kórsetý boıynsha zamanaýı sımýlıasııalyq manekenderde tájirıbe jasap daǵdylanady. Osyndaı oqytý baǵdarlamasy­men tanystyrǵan túrkııalyq dáriger­ler mundaı tájirıbe almasý sharalarynyń buǵan deıin ázerbaıjandyq dárigerlermen uıymdastyrylyp, oń nátıje kórsetkenin atap ótti. Túrik dárigerleriniń dárisi kezinde erekshe kózge túsip, arnaıy emtıhannan súrinbeı ótken birqatar medısına qyzmetkerlerine sertıfıkattar tabystalyp, olarǵa Túrkııada bilimin jetildirýge joldama beriledi. Túbi bir aǵaıynnyń kómegi dáriger­lerimizdiń biliktiligin kóterýge osylaısha septigin tıgizip keledi. Baqtııar TAIJAN, «Egemen Qazaqstan» Ońtústik Qazaqstan oblysy