Qyzylorda oblysy medısına mamandarymen 87% qamtyldy

Qyzylorda oblysynda alǵashqy medısınalyq-sanıtarlyq kómek kórsetý jelisi 379 adamǵa tolyqty. Jyl basynda medısına mamandarymen qamtylý 87 paıyzdy quraǵan (328). Esepti merzimge deıin alǵashqy medısınalyq-saraptamalyq kómek kórsetý jelisine 32 jas maman tartylyp, qyzmetkerler sany 95 paıyzǵa ulǵaıtyldy. Bul týraly Qyzylorda oblysynyń densaýlyq saqtaý basqarmasynyń basshysy Aqmaral Álnazarova málimdedi. - Alǵashqy medısınalyq-sanıtarlyq kómek kórsetý dárigerleri men medbıkelerdiń sany 1:3 sáıkestigine keltirildi. Sonymen birge dárigerlik aımaqtarda tirkelgen halyq sanyn 2200-den 1800-ge deıin, al 2019 jylǵa qaraı 1500-ge deıin azaıtý josparlanýda. 2017 jyldyń qańtar aıynan bastap alǵashqy medısınalyq-sanıtarlyq kómek kórsetý sapasyn arttyrý maqsatynda 34 jańa jalpy dárigerlik aımaq ashylatyn bolady,- dedi basqarma basshysy Aqmaral Álnazarova. Oblystaǵy barlyq medısınalyq mekemelerde emdelýshilerdi qoldaý qyzmeti qurylǵan. Kezekke turýdy azaıtý jáne qyzmet kórsetý sapasyn arttyrý maqsatynda alǵashqy medısınalyq-sanıtarlyq kómek kórsetý uıymdarynyń tirkeý jumystary iske qosyldy. Júıe ákimshiligi qyzmeti engizildi, iri emhanalarda emdelýshilerdiń rettiligin baqylaý úshin arnaıy beınekameralar ornatyldy.