Eseli eńbegimiz – táýelsiz elimizge

Eldiń mejeli, mereıli jyly bolady. Mine, bıyl Qazaqstan Respýblıkasynyń Táýelsizdigine 25 jyl toldy. Bul – ótken joly­myzǵa zer sala qaraıtyn, ózimizge de, eldik jetistikterimizge de esep beretin tusymyz. Biz búgingi jetistik­terimizge qalaı qol jetkizdik? Búgingi kúnge qalaı keldik? 1991 jyly 16 jel­toqsan­da óz Táýel­siz­digin alǵan Qazaqstan demo­kratııalyq, zaıyr­ly, quqyq­tyq jáne áleý­mettik memleket qurý maqsatyn al­ǵa qoı­dy. Ata-baba­lary­myz ań­sa­ǵan azattyqty alýmen qa­tar, táýel­siz mem­leketti qalyp­tas­tyrý­dyń mindeti orasan zor ekeni anyq. Osy jolda Memleket basshy­sy Nursultan Nazarbaev barlyq salada jańa reformalardy júzege asyrdy. Bizge naryq qoǵamynyń zań­dy­lyqtaryna tótep bere alatyn, ekonomıkalyq daǵ­darystarǵa qarsy aldyn ala is-shara­lar qabyl­daı alatyn, el ishin­degi bir­likti saqtaı biletin, ózindik erek­shelikteri bar memleket qurý kerek boldy. Jańa memleketti qalyptastyrýda kóptegen jańa zańdar qabyldandy. Qazaqstan Respýblıkasynyń shırek ǵasyr ishindegi ishki jáne syrtqy saıasattaǵy, ekonomıka men áleýmettik-mádenı saladaǵy qol jet­kizgen tabystary asa qomaqty. Muny biz ǵana emes, shetelder­diń álem­ge tanymal ǵalymdary, saıa­­­sa­t­k­erleri, jazýshylary men jýrnalısteri, sarap­shy­lary da aıtyp júr. Osy tabystarǵa biz táýel­sizdik alǵan kezi­miz­den bastap durys jolmen júrgendigimizdiń nátı­­jesinde jetip otyr­myz. Respýb­lıka­myz­dyń ár óńirinde «Qazaq­stan-2050» Strategııa­syn júzege asyrý úshin barlyq qajetti sharalar jasalýda. Qazaqstan Prezıdenti Nursultan Ábishuly Nazarbaev bir sózinde bizdi qaı iste de or­taq múdde, ortaq jetistikterge jiger­lendirýge tıis ekenin aıta kelip: «Birligi berekeli, tirligi merekeli, yntymaǵy jarasqan eldiń ǵana yrysy men tabysy mol bolmaq», dep atap ótken edi. Shynymen de, eseli eńbek qana eldiń yrysyn arttyrady emes pe?! Qazir elimizdegi barlyq óndiris oryndary, eńbek ujymdary 25 jyldyq mereıtoıǵa úlken tabys­pen jetýdi basty maqsat etip qoı­sa, sol maqsattaryna árqaısy­­sy hal-qaderinshe jetip otyr. Muny kúndelikti baspasózden oqyp, tele­arnalardan kórip júrmiz. Halyq­tyń yrys-berekege kenelip jat­qanyna, eńbegi baǵalanyp, mártebesi kóterilgenine bárimiz de qýanamyz. Bıyl eginshiler de mol ónim aldy, kúrish ósirýshiler de úlken tabysqa qol jetkizdi. Máselen, Syr óńiriniń dıqan­dary ala jazdaıǵy tynymsyz eńbeginiń arqasynda kúrishten Qazaqstannyń eginshilik tarıhynda buryn-sońdy bolmaǵan rekordtyq ónim aldy. Syr boıy­nyń dıqandary 80 myń gektar egistiktiń ár gektarynan oblys boıynsha 54,9 sentnerden ónim alyp, el qambasyna 440 myń tonna kúrish quıdy. Jaz jaıly, jańbyrly bol­ǵandyqtan, tipti bıyl qumdy, shóldi dalalardyń da qulpyryp ket­kenin kórgen adamdar tańdanyspen qýana aıtyp júrgenine kýá boldyq. Sol sebepti mal sharýashylyǵymen aı­na­lysatyn adamdardyń da tórt túligi qońdy bolyp, tabysy molaıa túskeni anyq. Qorasy qoıǵa, órisi malǵa tolǵan qazaqtyń kóńili de kóterińki, jaǵdaıy da jaqsy bola túsetini sózsiz. Elbasymyzdyń «Búgingi bizdiń táýelsizdigimizdiń qaınar kózi – qazaq halqynyń san ǵasyr­lar boı­ǵy kúresinde, azattyqqa um­tyl­ǵan qaısarlyǵynda jatyr», degen qanat­ty sózi bar. Iá, táýelsizdik – qasterli, qasıet­ti uǵym. Ol bizge ata-babalary­myzdyń júzdegen jyl­­dar boıǵy kúresiniń arqasynda tıip otyr. Biz qanyn da, janyn da qıyp, jerin qorǵaǵan babalary­myz­dyń aldynda máńgilik qaryz­dar­myz! Endi búgingi azat el bol­­ǵan tusy­myzda eseli eńbegimizben, otansúı­gishtik qasıetimizben Táýel­siz Qazaqstanymyzǵa qaltqy­syz qyzmet etýimiz kerek! Memleket basshysy Máńgilik El ornatý ıdeıasyn alǵa tartty. 2050 jylǵa qaraı álemdegi jan-jaqty damyǵan, ári básekege qabiletti, ekonomıkasy áleýetti, halqy berekeli 30 eldiń birine aınalý maqsatyn alǵa qoıdy. Endeshe, osy uly murat jolynda árbir azamat óziniń barlyq qabilet-qarymyn, qaırat-jigerin ortaq múddege jumsaýy tıis dep oılaımyn. El birikse, alynbaıtyn asý joq. Birligi myqty, ynty­ma­ǵy jarasqan Qazaq eli áli talaı bıik belesterdi baǵyndyrady degen senimdemin. Barshańyzdy jaqynda ǵana keń kólemde atalyp ótilgen el Táýelsizdiginiń 25 jyldyq mereıtoıymen shyn júrekten quttyq­taımyn! Qazaq eliniń barlyq turǵyndaryna birlik pen bereke, mol ıgilikter men tabystar tileımin! Aǵa urpaq keıingige úlgi kórsetip, jaqsy isterimen qýan­ta bersin. Al jastarymyz XXI ǵa­syr­dyń zamanaýı jetistikterin ıge­rý úshin oqýda ozat, eńbekte alda bolsyn! Halqymyz da, Elbasymyz da aman-esen bolyp, el Táýelsizdigi máńgilik bolsyn! Abzal ERALIEV, Máji­lis depýtaty, Qazaqstannyń Eńbek Eri