OQO "Jastar ortalyǵyna" jeke ǵımarat berildi

Shymkentte «Jastar resýrstyq ortalyǵy» ǵımaratynyń saltanatty ashylý rásimi ótti, dep habarlady OQO baspasóz qyzmeti. «Búginde óńirimizde 800 myńǵa jýyq jastar bar. Iаǵnı oblys halqynyń 30 paıyzyn jastar quraıdy. Bul úlken kúsh. Sondyqtan dál osyndaı ortalyqtardyń 16-syn iske qosyp otyrmyz. Aldaǵy ýaqytta jastar belsendiligi arta túsedi, birigip, birlesip jumys isteımiz degen senimdemin», - dedi ashylý saltanatyna qatysqan oblys ákimi Janseıit Qanseıituly. Úsh qabattan turatyn ǵımarattyń jalpy alańy – 1979,9 sharshy metrdi quraıdy. Birinshi qabatynda foıe men 8 jumys bólmesi ornalasqan. Kúrdeli jóndeýden ótken 600 oryndyq konsert zaly zamanaýı keıipte qaıta jabdyqtalǵan. Atalǵan ortalyq jastardyń jobalary men bastamalaryn súımeldeýdi, volonterlik qozǵalys pen jastardyń kásipkerlik belsendiligin arttyrýǵa kúsh salmaqshy. Sondaı-aq jastardyń rýhanı, mádenı jáne shyǵarmashylyq áleýetterin jandandyrýdy, ómirdiń qıyn jaǵdaıyna tap bolǵan balalar men otbasylarǵa psıhologııalyq kómek kórsetýdi júzege asyrady.