Qyzylordada medısınalyq uıymdarǵa 25 myńnan astam adam tirkelgen

Osy jyldyń basynda medısınalyq uıymdar tarapynan halyq sanaǵy boıynsha úlken jumys júrgizildi. Nátıjesinde medısınalyq uıymdarǵa tirkelgen azamattar sany 25760 adamǵa artty. Bul týraly Qyzylorda oblysynyń densaýlyq saqtaý basqarmasynyń basshysy Aqmaral Álnazarova habarlady. «Halyq sanaǵyn ótkizý 2016 jyly respýblıkalyq bıýdjetten qosymsha 154,5 mln teńge tartýǵa múmkindik jasady. Osyǵan baılanysty bıyl skrınıngten ótken turǵyndardyń sany 10 myńǵa artyp, 257869-dy qurady,- dedi Aqmaral Álnazarova. 10 aıdyń qorytyndysy boıynsha skrınıng-tekserýden ótýge josparlanǵan halyqtyń 96,8% tekserýmen qamtylyp, anyqtalǵan aýrýlar sany 7%-ǵa ósti. Júrek-qan tamyry júıesinen anyqtalǵan aýrýlar 6,5%-ǵa, glaýkomamen anyqtalǵan aýrýlar 2 esege ósken. Munymen qosa, 2742 naýqasta isik aldy aýrýlary anyqtalyp, qaterli isik aýrýynyń  anyqtalýy 3,4 esege artqan. Qaterli isik aýrýynyń ishinde birinshi satyda anyqtalǵandar ótken jylmen salystyrǵanda 7%-dan 19%-ǵa deıin joǵarylaǵan. Anyqtalǵan aýrýlardyń 96%-y dıspanserlik esepke alyndy.