Memlekettik qyzmetke ornalasý talaptary ózgerdi

2016 jyldyń 23 jeltoqsanynda Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginde Agenttiktiń Memlekettik qyzmet departamentiniń dırektory Maqsut О́teshevtyń qatysýymen brıfıng ótti, dep habarlaıdy Memlekettik qyzmet jáne jemqorlyqqa qarsy is-qımyl agenttigi. Brıfıngte Maqsut О́teshev memlekettik qyzmetke úmitkerlerge qoıylatyn  biliktilik talaptary máselelerine túsindirme berdi. Biliktilik talaptary árbir memlekettik organmen derbes jasalady jáne mindetti túrde Memlekettik qyzmet isteri jáne sybaılas jemqorlyqqa qarsy is-qımyl agenttigimen kelisýge jatady. Biliktilik talaptary barlyq memlekettik laýazymdarǵa bilimi, eńbek ótilimi jáne quzyrettiligi boıynsha biryńǵaı talaptar ornatady. Bilimge talaptar laýazym deńgeıine baılanysty ornatylady. Birqatar laýazymdarǵa, mysalǵa, aýyldyq jáne aýdandyq deńgeılerge ortadan keıingi jáne tehnıkalyq pen kásibı bilimder ruqsat etiledi. Birqatar laýazymdar, mysalǵa, ortalyq deńgeıde úmitkermen Prezıdent janyndaǵy Memlekettik basqarý akademııasynda oqý ótkergendigi nemese sheteldik bilimi bar bolýyeskerilýi múmkin. Mundaı bilimi bar memlekettik laýazymǵa úmitkerlerge memlekettik qyzmette eńbek ótiliminiń qysqalaý merzimi  talap etiledi (mysalǵa 5 jyldyń ornyna 3 jyl memlekettik qyzmettegi ótilim). Memlekettik qyzmetke úmitkerlerge jumys ótilimi mańyzy az emes. Qazir memlekettik qyzmetke memlekettik emes mekemelerde, quqyq qorǵaý jáne arnaıy memlekettik organdarda jumys ótilimi bar azamattar túse alady. Mansaptyq úlgi ıkemdiligin qamtamasyz etý jáne jeke sektordan daryndylardy tartý úshin memlekettik organdar mindetterimen uqsas qyzmet salalarynda jumys ótilimi bar azamattar arasynda «ashyq» irikteý júrgizý qarastyrylǵan. Sonymen birge, memlekettik apparatty kásibılendirý boıynsha jańa tásilderdi iske asyrý úshin jańarǵan biliktilik talaptarda tómengi turǵan laýazymda bir jyldan kem emes ótilimi bolǵan jaǵdaıdaǵy memlekettik qyzmette kezeń-kezeńimen jyljytý tetegi engizilgendigin atap ótý kerek. Memlekettik qyzmetke úmitkerlerdiń kvalıfıkasııalyq talaptary memlekettik qyzmettegi jańa tásilderdiń enizilýimen jetildirilýde. Atalǵan saraptamanyń negizinde, endigi kezekte áskerı qyzmetinde, Parlament pen maslıhat depýtatynyń mártebesindegi, sot jáne halyqaralyq qyzmetkerleri mártebesindegi jumys ótili eskeriletin bolady. Atalǵan jyly kvalıfıkasııalyq talaptarǵa jańa «biliktilik» jańa uǵymy engizildi. Bul árbir qyzmetkerlerge tıimdi jumys jasaý úshin  qajetti  bilim men daǵdylardan turatyn jıyntyq. Biliktilikti baǵalaýdyń avtomattandyrylǵan júıesi árbir biliktilikti tekserý úshin 12 testtik jumystan quralǵan. Basshylyq qyzmetine úmitkelerge 10 biliktilik deńgeıin anyqtaýǵa 90 mınýt, qalǵan qyzmetke úmitkerler úshin 8 biliktilik deńgeıin anyqtaýǵa – 75 mınýttan beriledi. Atalǵan jyldyń basynan jalpy jeke qasıetterin baǵalaýda testtileýden ótkenderdiń 76,3% joǵary baǵadan aldy. Qazirgi ýaqytta Agenttik Birińǵaı biliktilik negiz retinde jetildirýlýde. Bul tásil árbir deńgeıdegi qyzmettiń biliktiligin tekserý alaptaryn naqtylap alýǵa múmkindik beredi. Memlekettik qyzmetke túsýshilerge arnalǵan kvalıfıkasııalyq jańartylǵan talaptar memlekettik qyzmetke ótýde teń múmkindik alýǵa jáne memlekettik qyzmetkerlerdiń tıimdi jumys atqarý úshin kásibı deńgeıin arttyrýǵa baǵyttalǵan.